Home Cultura Autor y ilustrador di buki De Griezelkriebel a bishita Biblioteca

Autor y ilustrador di buki De Griezelkriebel a bishita Biblioteca

15
0
SHARE
- Advertisement -

ORANJESTAD (AAN): Autor y ilustrador di buki pa mucha, sra Irmgard Frans, a bishita directora di Biblioteca Nacional Aruba pa entrega su ultimo publicacion. Irmgard a skirbi diferente buki pa mucha y ta sumamente orguyoso pa contribui na e Festival di Buki pa Mucha cu su storianan nobo. Irmgard a skirbi un buki titula ‘De Griezelkriebel’ y e publicacion a yega Aruba diabierna ultimo.

Irmgard a percura pa e storia y ilustracion di ‘De Griezelkriebel’ y e traduccion, e buki ta na Papiamento y Hulandes pa asina tur mucha por gosa di su storianan. Irmgard su inspiracion ta bin di su recuerdonan di tempo cu e tabata un mucha. Manera Irmgard Frans mes ta bisa “Nada mas dushi pa conta muchanan e aventuranan di nos infancia”.

E autor y ilustrador Arubiano Irmgard Frans ta presenta 4 buki nobo pa mucha e aña aki. E kier a keda cerca di e tema di e Festival di Buki pa Mucha ‘Griezelen’ cu su lema “Wanta, no spanta…sigui lesa!”. E buki di storia aki ta pa mucha di 8 aña – 12 aña y nan ta storianan poco eng. Irmgard ta bishita diferente school pa e festival pa conta storia.

Biblioteca a ricibi un ehemplar pa e comision di Festival di Buki pa Mucha y un ehemplar pa e coleccion nacional. Irmgard Frans ta bay ta na Bruna bookshop diasabra awor pa presenta su buki. Tur mucha ta bon bini. E buki ta obtenibel na otro librerianan tambe y na UNOCA.

 

- Advertisement -

DUNA COMENTARIO

Please enter your comment!
Please enter your name here