Home Politica AVP ta anuncia su 9 parlamentario pa e fraccion di AVP

AVP ta anuncia su 9 parlamentario pa e fraccion di AVP

724
1
SHARE
- Advertisement -

ORANJESTAD    (AAN): Dia 27 di October e parlamento nobo mester asumi su responsabilidad despues di eleccion. Contrario na un fraccion di 12 Parlamentario na 2009-2013 y 13 Parlamentario na 2013-2017 cu a termina na 12 Parlamentario cu salida di Marisol Tromp, awor tin un total di 9 Parlamentario cu lo debati den parlamento pa e fraccion di AVP.

Den e fraccion nobo tin cuater minister cu lo drenta parlamento. Lo  tin tres parlamentario cu ta keda. Y lo tin dos parlamentario nobo cu tambe ta bay drenta. E ministernan cu lo bay drenta Parlamento entrante 27 di October ta Benny Sevinger, Mike de Meza, Richard Arends y Arthur Dowers.

E tres parlamentarionan cu lo keda ta Mervin Ras, Jennifer Arends Reyes y Marlon Sneek. E dos parlamentarionan nobo cu lo drenta ta Robert Candelaria y Michael Lampe.

Lider di AVP Mike Eman no ta bay Parlamento. E lo keda activo den AVP manera el a expresa. Awor e proceso pa liderazgo nobo mester cuminsa y esaki ta dura largo naturalmente.

Finalmente hasta por yega asina leu cu Mike Eman mes por keda. Esaki ta depende di e reaccion cu drenta di e sostenedornan di e partido. Mike Eman a haya casi 8000 voto ultimo eleccion y eyfo tin sentimento mixto cerca esnan cu a deposita nan confianza den Mike Eman ultimo eleccion. Nan no kier pa e bandona politica ainda.

- Advertisement -

1 COMMENT

  1. Marlon bo a laga Dakota na caya. Baha duna Gerline cu ta miho prepara cubo persona. Y Mr Dowers bay cu vakantie. Ni un asera a wordo drecha. Centro di bario Dakota ta un berguensa. Loke drecha otro ta kibra paso no tin cura. Pariba y pabow . Foei onvoldoende. Naar huis.

DUNA COMENTARIO

Please enter your comment!
Please enter your name here