Home Parlamento Awe lo aproba credencial di e 21 Parlamentarionan nobo

Awe lo aproba credencial di e 21 Parlamentarionan nobo

183
0
SHARE
- Advertisement -

Presidente di Parlamento, drs. Mervin Wyatt-Ras:

ORANJESTAD (AAN): Den entrevista cu Presidente di Parlamento, drs. Mervin Wyatt-Ras el a trece padilanti cu awe Diahuebs lo aproba credencialnan di 21 Parlamentario. E Parlamentarionan ta: di MEP, sr. Besaril, sr. Croes, señora Lejuez, sr. Oduber, sr. Romero, señora Ruiz Maduro, sr. Tevreden, sr. Tjon y sra Wever-Croes.

Di fraccion di AVP: sr. Arends, señora Arends-Reyes, sr. Candelaria, sr. de Meza, sr. Dowers, sr. Lampe, sr. Sevinger, sr. Sneek y señora Wyatt-Ras.

Di POR: sr. Bikker y sr. Oduber. Di RED: sr. Croes. Ainda e constelacion por cambia segun formacion di gobierno.

E proceso a inicia despues di eleccion. Dia 2 oktober e presidente di Conseho Electoral a base di art. 103 di e ley electoral a manda pone esunan cu a ser escohi como miembro di Parlamento na altura di esaki. A base di articulo 104 inciso 1 di e ley menciona tin cu manda contesta si a ricibi e carta dentro di 5 dia. Inciso 2 di articulo 104 ta indica cu e persona en cuestion mester contesta conseho Electoral dentro di 2 siman cu el a acepta pa drenta Parlamento. Den caso e no contesta e no por drenta Parlamento. Den caso e no ta desea di drenta Parlamento e tin cu notifica esey. E presidente di conseho electoral ta notifica e persona en cuestion y Staten encuanto aceptacion di e persona en como Parlamentario.

Esaki pues ta e asina yama credencial of geloofsbrief. E geloofsbrief ta consisti pues di dos carta esun menciona den art 103 unda presidente di Conseho Electoral ta informa e parlamentario cu el a ser elihi pa bay Parlamento y e carta menciona den ar. 104 den cual presidente di Conseho Electoral ta informa cu el a ricibi e carta di aceptacion di e parlamentario.

E geloofsbrief ta ser acompaña pa otro documentonan, esta un carta dirigi na Parlamento cu ta acompanja y menciona e credencialnan, un uittreksel di Bevolkingsregister, un acto di nacimento pa esnan cu ta drenta Parlamento pa promer biaha y un carta den cual ta nofica funcionnan.

Mayan, diahuebs ta forma un comision pa por repasa e credencialnan y duna veredicto na Staten. Despues coleganan di e constelacion aki por hiba nan discurso pa gradici y desea otro exito. Esaki semper ta un momento emocional.  Durante e reunion aki lo clausura alavez e periodo 2013-2017.

 

- Advertisement -

DUNA COMENTARIO

Please enter your comment!
Please enter your name here