Home Policial Awe ta cuminza entrenamento di concientizacion encuanto traficacion di hende

Awe ta cuminza entrenamento di concientizacion encuanto traficacion di hende

148
0
SHARE
- Advertisement -

Training duna pa Shamere McKenzie

ORANJESTAD (AAN): Entrante awe Diahuebs, lo start na Aruba un entrenamento special, cu ta importante den e mundo di awendia.

Counter Trafficking Taskforce Aruba cu cooperashon di Amsterdam Manor Beach Resort, De Palm Tours, La Quinta Beach Resort, Cuerpo Policial, CEDE Aruba y Aruba Marriot Resort, lo organiza den e siman di 12 te 18 di oktober venidero, training di concentizacion unda e focus lo ta riba traficacion di hende (mensenhandel). Enfasis den e training lo ta con pa reconoce e sinjalnan di traficacion di persona y kico por haci en caso.

Trainer lo ta e conocido Shamere McKenzie, cu tabata un victima di traficacion di hende su mes, y na fin di 2016 a duna e prome training na Aruba. E aña aki e lo bay enfoca mas especifico riba training pa law enforcement (KPA) y personal di hotels y touring operators.

Den e training, Shamere McKenzie lo conta su mes un storia di traficacion di hende pa asina purba di preveni casonan di traficacion den futuro. Despues Shamere lo duna un training special pa personal di Red Cross Aruba riba e peliger pa traficacion di hende (mucha) ora di un disaster manera e horcanan den Caribe.

Riba 18 di oktober 2017, e dia national contra traficacion de hende, Shamere lo sera e siman cu un presentacion na Cas di Cultura pa 500 examenkandidaten di Colegio Arubano, enfocando especial riba e peligronan cu un studiante por confronta ora nan sigui nan studio na Europa of USA.

Shamere McKenzie actualmente ta traha na Salvation Army of Central Maryland (USA) como Anti-trafficking Program Director y ta conoci pa su speeches y training riba e tereno di traficacion di hende.

- Advertisement -

DUNA COMENTARIO

Please enter your comment!
Please enter your name here