Home Economia Banco Central ta introduci proyecto Isla Innovativo

Banco Central ta introduci proyecto Isla Innovativo

24
0
SHARE
- Advertisement -

ORANJESTAD   (AAN): Banco Central a introduci durante un rueda di prensa e proyecto di Isla Innovativo. E ta un proyecto di innovativo cu Banco Central ta lansando. Ryan Peterson, GM Economic Policy, a splica cu e warwaru digital no ta un secreto cu tecnologia digital, ta cambiando, a cambia nos estilo di bida, nos manera di traha y comunica.

Esey ta Smartphone, blockchain, cryptocurrency. Tur e tecnologianan aki ta forma parti integral di con nos ta biba y traha y siguramente esaki no ta excepcion pa Aruba.

Hopi biaha ta papia di innovacion. Pero kico precies ta innovacion.

Awendia ta tende e palabra tur caminda, pero no sa precies kico e ta. Ta papia di un idea nobo, e ta un cambio. Sinembargo innovacion no ta solamente un idea nobo of un cambio. Innovacion ta rekeri tambe un aplicacion of un uzo di e idea nobo ey of e conocimento ey. Un herment, un sistema nobo cu ta uza.

E uzo ey mester crea balor externo. No solamente pa e propio diseñador di e sistema, pero tambe pa e consumidor, pa e empresa, pa comercio y por ta pa comunidad tambe, si papia di social entrepeneurship. Importante ta aki cu e mehoracion ey mester tin un meta mas cu solamente e diseño di e tecnologia.

Pa innova, mester tin cierto necesidad. Mester ta conciente cu tin un necesidad pa por innova un problema y alabes tambe mester por tin un alternativa. Mester por bin cu un solucion tambe, den e caso aki, ta solucionanan mas creativo, mas digital cu ta wordo uza.

Innovacion no ta bin automaticamente. Hopi biaha nos ta wak cu exito di pasado y complaciencia di presente, ta incapatica innovacion pa futuro. Ta asumi cu e manera di traha di awe lo ta suficiente bon pa mañan. Den un cartoon hopi biaha bo ta mira cu ta bin cu innovacion.

E reaccion por ta “masha danki, pero mi ta mucho druk awor aki cu cierto cosnan cu mi ta haciendo awor aki. Mi ta kere e ta trahando bon.” Pero no ta para keto un rato, pa refleha y pensa con por mehora e negoshi, comercio of con por soluciona cierto problemanan den comunidad.

E herment eynan ta wordo uza door di hende, door di companianan, door di comunidad, unda e contexto social y humano ta influencia e exito di e tecnologia.

Tanto bal bo tin un sistema nobo, un auto nobo, un tecnologia nobo y no ta wordo uza door di industria, door di comercio, door di scolnan, cualkier otro institucion, e ora ey, no lo tin balor añadi. Si coy un ehempel di Europa, por mira cu tin mas cu 2000 proyecto andando den area di digitalisacion, riba diferente tema.

Temanan di educacion, habilidad, participacion den comunidad, cultura, arte, empleo, salubridad y tambe alabes riba e tema financiero y tambe economico.

 

- Advertisement -

DUNA COMENTARIO

Please enter your comment!
Please enter your name here