Home Suceso Boto local a pega candela na costa di Venezuela

Boto local a pega candela na costa di Venezuela

290
0
SHARE
- Advertisement -

ORANJESTAD  (AAN): Diamars den careda di 11’or di mainta na e costa di Venezuela a yega dos boto local di Aruba.

Tin hende cu ta bisa cu nan a bay pa busca gasolin.  Pero otronan ta insisti, cu nan a djis bay Venezuela pa busca hende, pues nada di gasolin.

Pero algo a bay robez riba e boto, y candela grandi a cuminsa na un di nan y dos homber fam K. y L nan curpa a cuminsa pega candela y e kemadura tabata serio.

E otro boto local cu a keda intacto a tuma e dos hombernan kima over y a bin Aruba full speed y raporta na autoridad di e caso.

Dos unidad di ambulans tabata na waf di Barcadera pa asina tuma e victimanan over y cu urgencia transporta pa hospital. Un di e hombernan ta mas kima cu otro.

Diamars despues di merdia lo a drenta informe cu lo tabatin un boto den problema y hasta a menciona cu algo lo a explota abordo di e boto cu lo ta na caminda pa Aruba.

Parce cu tin señal nan cu lo a wordo capta for di tera cu tabata parce cu tin un lancha na candela. Mesora lo a bati alarma  y mensahe lo a yega na oido di Kustwacht.

Mientras tanto yudanza lo a yega y dos persona lo a wordo rescata cu quemadura.

Ambulans lo a wordo solicita na Barcadera y for di eynan e victimanan a wordo transporta pa Dr. Horacio Oduber Hospital.

Den poli e victimanan a wordo trata y mientras tanto famianan tambe a acudi na hospital relaciona cu e situacion di nan ser keri . E victimanan a wordo hiba piso despues di ricibi prome auxilio.

Nan condicion ta stabil. Loke a pasa mes a bini for di informacion cu a drenta di Venezuela y cu ta menciona cu algo prome cu 12 or di merdia, den cercania di Venezuela, aparentemente lo a yega algun boto procedente di Aruba.

Pa un of otro motibo lo a surgi candela abordo di un  di e dos botonan y cu riba e boto lo tin dos persona cu a ricibi quemadura.

Capitan di e boto aki lo a dicidi mes ora pa bolbe Aruba cu urgencia cu e dos coleganan di inicial L.y K. y cu na nan yegada nan lo reporta e sucedido.

No ta conoci kico lo a bay robez y cu a causa candela  riba e boto riba cual e dos personanan tabata.

Ta wordo menciona cu un explosion a tuma lugar y no por bisa cu lo tabata tin fayo di motor tampoco.

Esaki no ta e prome candela cu a destrui boto e siman aki.  Por menciona aki ademas cu den fin di siman un yate a kima completo na Jan Sofat na Curacao.  Esey tabata diasabra atardi  pasa di cuat’or.

A solicita unidad di bombero debi cu e candela tabata feroz y cu tur posibilidad pa  extende.

A combati e candela aki oranan largo prome cu a domina esaki completo.

Recherche tecnico a wordo solicita pa determina e origin di e candela cu practicamente a destrui e yate.

- Advertisement -

DUNA COMENTARIO

Please enter your comment!
Please enter your name here