Home Policial Buki pa por parti boet na esnan cu ta viola ley di...

Buki pa por parti boet na esnan cu ta viola ley di bestia ta cla pa wordo imprimi

285
2
SHARE
- Advertisement -

Truddy Hassel di Plataforma di Cacho papiando di ehecucion di e ley

ORANJESTAD (AAN): Ta conoci cu nos tin un problema serio cu e bestianan cu ta cana sin doño ricba caya. Relaciona cu esaki a tene un entrevista cu e presidente di Plataforma di Cacho, Sra. Trudy Hassel.

E plataforma di Cacho t’ey. Sra. Hassel como presidente ta representa e grupo cu keto bay den background ta haci nan trabao. Tin varios persona cu ta forma parti di plataforma y ta nan ta den veld ta haci nan best.

Banda di esey, nan tin personanan excelente cu realmente cu alma y cuerpo tur dia ta traha ariba e problema aki, a bisa.

Un di nan tabata pidi pa polis cuminsa actua y a cuminsa cu e proceso, unda cu hunto cu Ministerio Publico, a stel op un OPV, cual ta un buki pa por reparti boet pa esunnan cu ta viola e ley di cacho.

Nan ta den e fase unda cu el a wordo aproba y aworaki e mester bay wordo imprimi. Esaki ta e fase di ehecucion di ley.

E otro fase ta unda ta papia cu diferente persona na Aruba, cu tin cachonan peligroso, unda cu e mester registra esaki na e Veterinario, cual tambe ta den proceso.

Banda di esey tin varios otro proyecto, caminda cu mester di fondo pa por sigui traha. Un di e bistanan cu nan tin, cu nan kier un propio tereno, unda cu nan por hiba nan despues cu gara nan, unda e cachonan cu nan ta wordo controla hunto cu veterinario por bin cu’n plan di sterilisacion y wak si por haya un hogar responsabel pa nan, Hassel a duna di conoce.

Tur hende kier cacho, pero si wak cuanto doño responsabel tin pa nan cacho, ta hopi pero e grupo cu no ta worry cu e cacho, tambe ta grandi.

E problema mas grandi, y no solamente ariba cacho cu pushi so, pero tur hende ta bira wak polis. Polis ta psicologo, psikiatra, trahado social. Tur cos polis mester ta.

Awo e pregunta ta unda e responsabilidad di e ciudadano ta, segun Sra. Trudy Hassel.

- Advertisement -

2 COMMENTS

  1. Entre e hendenan cu ta corre auto burachi y esnan cu ta voluntariamente laga nan cachonan biba riba caya, Polis por cash inn bastante placa. E Arubiano ta alcoholico, y ta kere cu e cacho ta feliz riba caya, si e mes ta riba caya, pakiko e ta bai amarga e cacho?

  2. Na Hulanda, Spanja, Merca y mi no sa tur unda mas, bo ta haya boet si bo cacho hasi su necesidad riba caminda: tin ta corre na 500 euro. Bon ganashi pa e pais, dicon no inclui e tipo di leinan aki na Aruba, nos falta di seriedad.

DUNA COMENTARIO

Please enter your comment!
Please enter your name here