Home Actividad Especial Business Workshop pa esnan trahando den industria creativo

Business Workshop pa esnan trahando den industria creativo

19
0
SHARE
- Advertisement -

ORANJESTAD (AAN): Dia 16 di October venidero Exprodesk conhuntamente cu Qredits y CXPAY, lo tene un mainta informativo pa tur esnan cn ta pertenece na e sector creativo; Musico, Cantante, Escritor, Poeta, Artesano, Diseñador grafico, product y moda, arkitecto y tambe esnan cu ta activo den ante visual, radio, fotografia, pelicula y television.

Pa resumi, tur persona of organization cu di un of otro forma ta activo usando nan creatividad y conocemento pa crea producto of servicionan nobo ta invita pa participa. Registra na Exprodesk, participation ta completamente gratis.

Den e mundo digitaliza di awe, mas y mas e oportunidad ta habri pa nos productornan local expone y bende nan producto of servicio mundialmente. Sinembargo, bende e producto pafor di nos fronteranan ta dificil. Mayoria websitenan mundialmente conoci ta exigi sistemanan di pago cu no ta compatible cu nos sistema local. Ademas di esaki, financiamento pa e industria creativo tambe ta un reto grandi pa tur den e sector aki.

No ta kita afo, cu otro industria nan tambe ta enfrenta e retonan aki, y nan di Exprodesk ta consciente di esaki. Nos a opta pa duna atencion y guia personaliza cu a lo largo ta duna mihor resultado. Uno pa uno nos lo ta dunando e guia y attention na cada un di e sectornan na Aruba. Na e momento aki ta toca turno na e industria creativo. Nos tin un serie di workshop y guia personaliza pa tur den e sector aki durante e lunanan nos dilanti.

Pesey, nan a acerca CXPAY, un compania nobo, cu tin e solucion perfecto pa e industria creativo pa facilita pago y cobranza online sin mester busca solucion nan den exterior. Qredits, tambe lo ta presente pa duna tur esnan presente information ariba nan servicionan y posibilidad di financiamento cu nan par brinda na e industria creativo.

E ‘Business Workshop’ aki lo turna lugar na Departamento di Asunto nan Economico na Sun Plaza Mall, L.G. Smith Blvd 160, Segundo piso. E fecha pa e workshop ta dia 16 di October di 9:15 am pa 12:00 pm di merdia. Registra na tempo pasobra espacio ta limita. Por email nan na s.vannes@exprodesk.com

- Advertisement -

DUNA COMENTARIO

Please enter your comment!
Please enter your name here