Candela di mondi na Santa Marta a menaza Transformator Huis di Elmar

ORANJESTAD (AAN): Tabata Diahuebs anochi cu diripiente holor a cuminza dal varios habitante na Santa Marta.

E holor a bira mas fuerte, y ora di a check pafo, esnan di Santa Marta a nota cu ta un candela di mondi ta expande rapidamente.

Mesora nan a raporta na centro di alarma un candela di mondi unda e candela tabata yegando cashi di coriente di NV Elmar.

Truck di brandweer a presenta basta lihe unda bomberonan a drenta accion y combati e candela.