Home Suceso Capitan di tankero cu a pega riba rif tabata pata-pata burachi

Capitan di tankero cu a pega riba rif tabata pata-pata burachi

156
0
SHARE
- Advertisement -

Autoridad a duna relato di e susedido di luna pasa

ORANJESTAD (AAN): Tabata luna pasa, dia 22 di September 2017 banda di 10:15 pm, cu Maritiem Politie ta haya melding di Kuststation y Centrale Post cu un tanker a pega den rif banda di Renaissance Island.

Pa 10:45 pm, un boto di polis BP-2 ta yega na e lugar, y a constata berdad cu e tanker “Thayer” IMO-9112131 ta pega pafo di rif algun 100 meter di Renaissance Island.  E tankero ta nabega bao bandera di Marshall Islands.

Na e lugar a mira un Tugboat y Pilot Boat di APA. Personeel Maritiem Polis y personal di Kustwacht a subi abordo y a cuminsa cu investigacion.

E capitan S. Singh a declara cu pa 7:30 pm nan mester a bin na pilot station Barcadera cu ta 1.5 nautical miles lew di tera pa topa cu e supply boat “Orion” pa haci 1 crew change. Ora e barco Thayer a yega na 1.5 miya nautico, e supply boat “Orion” a bisa nan bin mas cerca pa nan haci cambio di tripulacion.

Di e forma ey, e barco Thayer a keda drief bin mas cerca. Ora cu e barco Thayer a yega na un distancia di 0.4 miya nautico di tera nan a realiza nan ta mucho cerca y a purba haci maniobra pa evita e barco pega riba rif. Pero esey tabata mucho laat y e barco a drief na un speed 0.6 km/h y bin pega den rif.

Personeel di directie scheepvaart y Havenmeester interino tambe a yega na e lugar pa haci nan investigacion. Durante e investigacion personeel kustwacht a haya otro melding y a bay di e lugar.

Personeel Maritiem polis a keda encarga cu e investigacion. Durante interogacion, e agentenan a constata cu e Capitan tabata hole fuerte na e consumo  alcohol. A pidi su cooperacion pa haci un blaas test di alcohol cual el a duna tur cooperacion.

El a blaas 933 ug/L. Pa seguridad, a lage blaas un biaha mas y a bolbe supla 955 ug/L, cu ta 4x mas cu e maximo  permiti den Haven en Rede-/verordening.  E maximo permiti ta di 220 ug/L.

E capitan a worde deteni pa mas investigacion y a worde transporta pa warda di Santa Cruz. E first officer a tuma over e gezag riba barco.

Na e momento cu e barco a pega den rif tabata tin 24 miembro di tripulacion abordo y e barco no tabata tin carga. Su carga normaal ta zeta.

Personeel cu pilot y tug boat a los e barco di rif y riba ordo di Havenmeester interino a haci un ‘detentie’ di e barco y a pone na un posicion pabao di Aruba pendiente inspectie, si e barco ta den bon estado pa sigui nabega y pendiente investigation.

DIARIO a compronde cu e Capitan a keda total 10 dia deteni. Durante e dianan ey, e personeel maritiem hunto cu DNM a haci full un investigacion na posible daño na naturalesa y resto di investigacion penal.

E daño na naturalesa tabata hopi minimo, segun e rapport di DNM, pasobra net eynan no tin hopi coraal.

Fiscal mr. Schwengle tabata officier den e caso aki y Ministerio Publico a impone un multa na e capitan/compania pa nabega bao influencia.

Durante e dianan cu e kapitan tabata deteni e compania a manda un otro capitan tuma over e barco. Durante e 10 dianan di investigacion directie scheepvaart a kita e detentie di e barco.

Mester remarca cu bon mes, e barco no tabata carga cu zeta y e daño tabata limita na naturalesa.

- Advertisement -

DUNA COMENTARIO

Please enter your comment!
Please enter your name here