Home Economia Carga masivo di debe ta pone hopi presion riba finansa publico di...

Carga masivo di debe ta pone hopi presion riba finansa publico di Aruba

230
0
SHARE
- Advertisement -

Segun Caft:

ORANJESTAD(AAN)  Den un otro articulo awe por a lesa cu Caft no a ricibi un proyecto di presupuesto 2018 di gobierno y cu durante prome bishita di president di Caft, Raymond Gradus, na Aruba el a mustra cu Caft a insisti pa e presupueto 2018 wordo entregana Parlamento di Aruba mas lihe posibel.

Alcansa e normanan di presupuesto ta importante pa reduci debe publico. E carga masivo di debe ta eherce hopi presion riba finansa publico di Aruba. Pa motibo di e carga di debe halto combina cu tasanan di interes relativamente halto e carganan di interes anual ta un partida di gasto masha halto pa gobierno di Aruba. Ta importante pa Aruba pa baha tanto e carganan di interes como e cuota di debe.

E bononan di gobierno refinancia na 2017 ta un paso den e bon direccion pa esey, ya cu a cera esakinan na un tasa di interes mas abou. Pero bahamento mas aya di e cuota di debe y carganan di interes mas abou asocia cu ne ta necesario pa hiba finansa publico na un caminda structuralmente sostenibel. Na 2018 mester dal un prome stap den direccion di un surplus presupuestario structural cu un surplus di 0,5% di e PIB. Incluso despues di 2018 un surplus ta necesario pa realisa un mehoramento mas aleu di debe publico.

Norma di deficit alcansa na 2016

A base di e proyecto di cuenta anual CAft ta conclui cu na 2016 -cu un deficit di 1,8% di e PIB- a cumpli cu e norma di deficit legal di 2,0% di e PIB. E proyecto di cuenta anual ainda ta na Controlaria General di Aruba pa su conseho. Posteriormente CAft lo emiti un conseho tocante e cuenta anual. Riba e cuenta anual aki no a aplica ainda e control di accountant. Aruba ta stipulando un trayecto pa den futuro yega na un control di accountant di e cuenta anual. E trayecto aki lo mester conduci na cu lo por otorga e cuenta anual di 2020 un certificacion (aprobatorio) di accountant. CAft ta enfatisa e importancia di un cuenta anual controla pa e accountant.

Bishita di CAft cu presidente nobo

E bishita di dos dia di CAft na Aruba tabata e prome bou di liderazgo di e presidente nobo Raymond Gradus. CAft ta consisti awor di Raymond Gradus, Robert Croes y Sybilla Dekker. E presidente nobo ta mira atras na un bishita fructifero na Aruba. CAft a tene combersacion regular cu Gobernador, Ministro di Finansa demisionario, Conseho di Ministro demisionario y e Comision di Finansa, Asunto Economico y Organisacion Gubernamental di Parlamento. Banda di esey CAft a haci bishita na, entre otro, Banco Central di Aruba, Conseho Consultativo y Aruba Ports Authority.

- Advertisement -

DUNA COMENTARIO

Please enter your comment!
Please enter your name here