Home Policial Ciclistanan a bay tras di chofer cu a “hit and run”

Ciclistanan a bay tras di chofer cu a “hit and run”

135
0
SHARE
- Advertisement -

ORANJESTAD (AAN): Patruya a bay direccion Caya Jose Geerman diamars marduga pa atende caso di “hit and run” altura di Johnson Supermarket. Segun e version lo ta trata di un Nissan Sentra color shinishi cu plachi number desconoci.

E centralista no por a bisa si e chofer lo a dal den un otro vehiculo sino contra un obheto. Yegando na un cas number 47  den Caya Jose Geerman polis a atende algun persona na e sitio y A wordo declara na e agentenan cu chofer di e auto shinishi marca Nissan  Sentra cu plachi  number desconoci a dal den e auto Mitsubishi modelo Lancer cu plachi number A-69611.

Despues di e dalmento e chofer a sigui bay direccion Palisiaweg. Dos ciclista a bay tras di e auto. Polisnan a nota cu tin marca wiel como evidencia riba caminda y nan a sigui a lastro.

Muy probablemente un wiel di e vehiculo a haya daño. Yegando altura di Apache straat number 1 polisnan ta wak un auto color shinishi marca Nissan modelo Sentra  plachi number A-2229  na banda robez di e caya staciona.

Polisnan a ripara cu A-2229 tin sla na banda robez dilanti y patras. E wiel robez ta flat. E as di wiel atras ta kibra. Un periodista cu kier saca potret a indica polis e homber. El a conta polis cu e homber ta e chofer.

Polis a acerca e homber aki Y e homber aki ta para pariba di A-2229 . E homber ta bisti cu carson preto y e ta sin camisa  y polis a ripara cu e tin rasca di herida na su heup banda robez, marca sala y rascal na su frenta banda drechi.

Tambe polis a wak dos ciclista ta keda wak den direccion di e agentenan y ta hasi señal indicando cu e homber ta e chofer. Polis a ripara cu apenas e homber por para riba pia, wowonan ta cora y e ta papia cu lenga pisa y su rosea ta hole na bebida alcoholico.

E sospechoso no por a demostra polis rijbewijs.  Polis a detene e chofer O.A M.  16/5/1988 y na warda a presente dilanti fiscal auxiliar y el a keda warda pa interogacion. Mientras  A-2229 a wordo confisca pa mas investigacion.

- Advertisement -

DUNA COMENTARIO

Please enter your comment!
Please enter your name here