Home Noticia Internacional Ciencia sorprendi con malesanan manera sarampi, malaria, y difteria a regresa Venezuela

Ciencia sorprendi con malesanan manera sarampi, malaria, y difteria a regresa Venezuela

32
0
SHARE
- Advertisement -

ORANJESTAD (AAN): Docter y cientificonan ta babuca pa mira, con tres malesa hopi contagioso cu mundo a kere a wordo eradica, a regresa na Venezuela.

Ta trata aki di tres malesa hopi contagioso y viral cu a regresa na Venezuela.  E ta demostra con e sistema sanitario di e pais a debilita, y Specialistanan ta sigura cu e presencia fuerte di Difteria, Malaria, y Sarampi ta bin debi na e.o., e poco vigilancia y e scarcedad di remedinan preventivo.

E ultimo biaha cu a yega di registra Difteria na Venezuela tabata na 1992, segun e specialista Ana Carvajal a declara na agencia EFE.  E ta ademas miembro di e Red Defendamos la Epidemiologia, un organizacion no-gubernamental cu tabata e prome cu a bati alarma ora cu e malesa aki a regresa na 2016 y cu ya tin como 450 caso registra.

E malesa aki a aparece bek den estado Bolivar den parti zuid di Venezuela, conoci pa ta un sector di mina y zonanan rural, pero e malesa a pasa pa otro teritorio, incluyendo pa centro y parti nort di e pais.

Pero autoridad Venezuela no kier pa e informacion aki wordo divulga.

Ya caba Difteria tey pa 1 aña na Venezuela, pasobra simplemente nan no a tuma medidanan y te cu awor nada a ser haci.  Na un Hospital di Estado Bolivar so durante luna di September, cuatro mucha a muri.

E mesun Hospital a ricibi cantidad incalculable di casonan di Malaria, di Difteria, y algun di Sarampi.

Expertonan ta lamenta cu Malaria ta plamando totalmente sin control pa como 5 aña caba, y den e caso di Sarampi, di cual e ultimo epidemia a yega di registra na 1994, ya for di Juli 2017 te cu 19 September 2017, a registra 38 caso den varios municipio di estado Bolivar.

Nan ta mustra cu e epidemia di Sarampi ta uno cu tin di keda vigila, pasobra e ta un malesa severo y cu e pacient por complica cu pulmonia, por pone hende bira ciego, y hasta por presenta cu e pacient tin mester di terapia intensivo.

E noticia di mas malo ta cu na Venezuela tin un scarcedad severo di remedi y material medico pa como tres aña caba.

Y Gobierno ta keda keto riba e casonan aki, y no ta duna informacion na Docternan ni e pacientnan encuanto e malesanan aki.  E casonan di Malaria ta hopi espantoso.  Na estado Bolivar, di cada 100 muestra cu nan tuma, como 90 ta sali positivo pa Malaria.

- Advertisement -

DUNA COMENTARIO

Please enter your comment!
Please enter your name here