Clientenan di Special Olympic cu tremendo anochi di weganan crioyo

ORANJESTAD (AAN)—Manera  ya a bira custumber, clientenan di Special Olympics, a haya oportunidad pa disfruta di un dushi anochi, cu tabata tin competencia di weganan di bolas crioyo, badminton y zumba.

Sr. Tuyo Werleman como dirigente di e instituto aki, personalmente tabata tey pa asina apoya tur e clientenan y tuma parti na diferente di e actividad nan cu a wordo presenta. Por a mira con un grupo grandi di familiarnan a bini na e competencia nan aki pa asina duna sosten y apoyo na tur esnan cu a participa na e competencia nan aki. Palabra di pabien, na e organzadornan y sigur sin por laga afo e Special Olympics Group.