Home Comentario Comerciantenan tambe ta bira victima di prijs halto di huur

Comerciantenan tambe ta bira victima di prijs halto di huur

22
0
SHARE
- Advertisement -

Reaccion

ORANJESTAD (AAN): Ultimo tempo tin hopi hende ta kehando di prijs halto di huur cas of apartamento.  Famianan ta haya cu e tarifa pa luna ta exorbitante y ta parce cu na 2017 tur cos a subi sin piedad.

Tin hopi factor pakico esey ta asina, incluyendo cu material di construccion y impuesto di grondbelasting a aumenta.

Algun aña pasa un tereno di como 800 m2 mes tabata wordo bendi banda di 45.000 Florin.  Awor un tereno di 500 m2 na algun lugar na Aruba ta riba di 150.000 Florin.

Pero no ta solamente famia of mamanan soltera ta keha di huur astronomico, tambe tin Comerciante cu ta bira victima.  Nan ta paga huur pa un espacio pa nan maneha nan negoshi.  Sinembargo, a bin sali na cla cu algun edificio ta den masha mal estado mes.  Nan ta haya e espacio cu airco, cu no ta funciona ni drechi.  Bañonan ta na werki, y paden tin mester di verf.

Tin comerciante cu di nan mesun placa ta inverti y drecha airco, y hasta pone un unidad extra di airco den e edificio.  Aki na Aruba tin un Gentleman’s Agreement, cu si bo haci algo extra na e edificio, e ora e inquilino y e doño tin di ‘cuadra’ e gasto extra aki den e prijs di huur.

Pero na Aruba, hopi biaha esaki no ta socede.  Doño di edificio no kier ni ahusta e prijs, of paga pa e instalacion di airco nobo.

DIARIO ta na altura, cu hasta algun Comerciante sa acudi na Huurcommissie pa asina busca yudanza, y e bon noticia ta cu nan ta haya oido tambe.   Huurcommissie ta investiga e area di e negoshi, ta check e estado di e edificio, y haci midimento, y nan ta yega na un calculo pa e prijs di huur.  Y hopi biaha e doño di edificio lo no gusta esey, pero si acaso e no kier duna un man, na final e mes tin di bay sinta riba e blaar cu el a causa.

- Advertisement -

DUNA COMENTARIO

Please enter your comment!
Please enter your name here