Home Politica Comunicado di KPA den DIARIO ta pone bo haya calafrio of no...

Comunicado di KPA den DIARIO ta pone bo haya calafrio of no sali di cas mas

572
0
SHARE
- Advertisement -

Allan Howell di POR:

ORANJESTAD (AAN) — Sr. Allan Howell, miembro di Partido POR Plataforma e Forza Nobo, tambe a participa den e rueda di prensa Diahuebs mainta, ken a referi na e tema di husticia.

Howell a elabora riba un comunicado di prensa publica den Matutino DIARIO, unda cu sindicato di polis (SPA) a sali padilanti masha bravo mes, cu un texto cu por ocasiona dos reaccion: of haya calafrio of no sali di cas mes, mas.

Un texto unda cu SPA ta habri afo y splica duidelijk y extenso, con fatal e maneho di husticia tabata e ultimo ocho añanan.

“Mi ta kere cu na momento cu un sindicato serio, manera SPA, mester bin splica e puntonan aki den prensa y bisa cu esaki ta caminda cu den pura mes, un gobierno mester forma aki na Aruba y e minister demisionario mester bay cas. Mi ta bisa cu akin tin puntonan hopi serio cu ta haci un impacto tocante e parti di seguridad na Aruba. Con ta posible cu sindicato di polis ta bin splica pueblo, cu falta personal pa basta tempo”, Howell a subraya.

El a señala e hecho di tin falta di personal den KPA kiermen cu e seguridad na Aruba ta na peligro.

E sindicato ta papia di falta di material, cu nos costa cu ta insigur. Segun Howell, si un sindicato ta bin declara, aworak, cu den pura mester forma gobierno pa mira si un biento fresco por supla den direccion di Cuerpo Policial, e ta un berguenza pa un Minister di Husticia demisionario.

“Mi kier expresa awe pa pueblo di Aruba sa cu e por keda trankil cu, Dios mediante, e gobernacion nobo sigur cu parti di Partido POR, KPA lo haya un biento fresco, un siguranza cu lo por sinti nan mes safe den nan propio cas, na unda cu nan por ta aki na Aruba. Nos lo zorg pa tin ekipo adecua, materialnan sofistica manera laptop den auto, auto, botonan pa cuida nos costanan, y asina nos por reduci inseguridad y trece trankilidad bek na Aruba”, Howell a subraya.

El a agrega cu tin biaha ta scucha Minister di Husticia demisionario ta gana show, bisa cu KPA a haya hopi material. Pero por mira aworaki cu sindicato policial ta sali bisa cu practicamente nada no a wordo haci. Mester menciona tambe cu mayoria material cu KPA a haya e ultimo tempo aki, cu no ta hopi, a bin di Aruba Safety Foundation conhuntamente cu Aruba Tourism Authority.

Y por corda cu ta e propio ex-minister di turismo cu ta Otmar Oduber, a pone di su parti pa por aloca cinco miyon florin extra pa asina nos por trece seguridad pa Aruba, y danki Dios cu el a wordo aproba tambe. Howell a expresa tambe cu lo ta bon pa bay mira unda e cinco miyon ey cu ex-minister di turismo a aporta pa husticia, den kico a wordo gasta. “Mirando cu KPA tin escasez di material e sindicato ta bisa claramente cu minister di husticia a haya onvoldoende. Ta mas cu pura un gobierno mester forma pa por trece trankilidad bek na Aruba, y manera por mira den nos Vision 17-21, claramente den dje hinca cu e prioridad number uno pa Partido POR ta, y mi ta sigur cu pa e gobierno cu ta bay sinta tambe, ta trece e seguridad y trankilidad bek na nos pais” segun sr. Howell.

- Advertisement -

DUNA COMENTARIO

Please enter your comment!
Please enter your name here