Home Infrastructura Continuacion di desaroyo di waf ta bay ta algo hopi importante pa...

Continuacion di desaroyo di waf ta bay ta algo hopi importante pa Aruba

32
0
SHARE
- Advertisement -

Segun Chief  Comercial Officer di Aruba Ports Authority

ORANJESTAD (AAN): Hopi importante pa e industria di turismo di crusero ta desaroyo di waf di Oranjestad, cu ta inclui e parti unda ta e container terminal.

Esaki segun Chief  Comercial Officer di Aruba Ports Authority Lex de Ridder, durante Cruise Symposium Aruba 2017, cu a tuma lugar Diahuebs.

Durante un entrevista cu DIARIO el a sigui bisa cu APA a bin cu un plan di construccion pa e parti ey di waf hunto cu e parti di Bushiri Beach.

“Importante ta tambe pa bin un bon conexion cu Oranjestad y nos tin plannan pa esaki cu nos ta bay sigui traha riba dje durante e proximo lunanan”, segun de Ridder, kende a sigui bisa cu tur e desaroyonan aki lo trece un mehoracion, mirando tambe cu turismo ta sigui crece na Aruba.

Den un entrevista, director di APA Ing. Jossy Figaroa a trece dilanti cu e intencion ta pa trece un variedad di edificio y actividadnan den nos waf.

“Importante ta pa locual nos bay traha, forma un parti integral di playa”.

“Ta bon pa e tin un bon integracion cu locual ta bay sosode na Bushiri y locual ta bay sosode den nos waf (‘Schoenenhaven’) dilanti di Bestuurskantoor”.

Esaki segun Figaroa, kende a indica cu ta bay traha algo cu no ta solamente importante pa e turistanan di crusero cu ta bin Aruba, sino tambe e ta bay ta importante pa nos hendenan local, cu e ora ey por bay keiro y pasa momentonan agradabel riba waf.

“Bushiri ta bay bira mas un parke cu beach, unda cu turista y hendenan local por mezcla y conecta cu otro”.

Esaki segun Figaroa, kende a indica cu bo ta sinti cu e turistanan di crusero ta desea di tin contacto cu nos hendenan local, pa tende entre otro kico ta biba na Aruba.

“Pa Aruba e parti aki ta bay ta algo hopi bunita y importante”, segun e director di APA.

- Advertisement -

DUNA COMENTARIO

Please enter your comment!
Please enter your name here