Home Suceso Cruz Cora cu relato di envio pa St. Maarten y gradecimento na...

Cruz Cora cu relato di envio pa St. Maarten y gradecimento na comunidad

94
0
SHARE
- Advertisement -

ORANJESTAD(AAN)– Cruz Cora Aruba ta gradici un y tur cu den ultimo tres simannan a organiza eventonan pa colecta producto of simplemente a yega mesora cu donacion pa yuda Cruz Cora yuda St. Maarten. Cu ayudo di henter comunidad di Aruba, service clubs, organizacionnan, instancianan, scolnan, wholesalers, hotels, supermercadonan, restaurantnan y otro companianan, Cruz Cora Aruba por a manda te cu awor lo siguiente: 14 di September:     2000 kilo na lona, pampers, awa, cots, cuminda — 15 di September:  5 pallet di awa y 3 pick-up pa por mobilisa y yuda cu distribucion na St. Maarten — 18 di September:  101 caha di 10 kilo di cuminda 28 di September: — 1 container cu 20 pallet di awa, — 1 container cu 10 pallet di awa, 2 pallet di voedselpakket, — 2 pallet di pampers pa adulto, — 2 pallet di pampers pa  Baby, — 2 pallet di comestibles mixed, — 1 pallet di aroz, — 1 pallet di Ensure, 50 bulto di papel di wc. — 1 container cu 12 pallet di voedselpakket (40 pa pallet),— 1 pallet di awa, 1 pallet di aroz, — 1 pallet di keeshi di Botter, — 1 pallet di kits di productonan hygienico, — 2 pallet di babyfood, — 1 pallet di paketenan pa baby, — 1 pallet di pampers, 75 stroller, 2 car seat, 11 bulto di forki, cuchiu y cuchara di plastic,  — 11 caha di maandverband, 3 bulto di papel di wc, —30 Caha di tayo di foam.

Cruz Cora Aruba mes lo ricibi e cargacion aki na St. Maarten y lo zorg pa distribucion. E weekend aki tin otro grupo di 12 voluntario cu lo ta biahando pa St. Maarten y lo sigui cu e trabou di Team 4.

Cruz Cora Aruba ta anuncia di e forma aki cu ta ricibi donacion di producto te cu mañan  diaranzon, 4 di october

Despues di e fecha aki, por sigui haci un donacion riba e cuentanan di banco di emergencia special pa yuda cu tur trabou y material na St. Maarten: Aruba Bank # 038.401.0390  tambe na Caribbean Mercantile Bank # 641.733.07

Na mes momento, ta gradici tur voluntario di Cruz Cora Aruba, Jeugd Rode Kruis ,Grupo Scout Jan Lobrecht y Grupo Scout Casibari cu a traha dia y anochinan largo pa tur e simanan aki pa mantene nos portanan habri te anochi laat, ricibi donacion den warehouse, sorteer, paketa y load den container.  Tambe companianan cu a yuda haci tur esaki posibel: GP Cargo, Bohama, Bon Bini Cargo, King Ocean y Don Andres.  Aruba…masha masha danki!

- Advertisement -

DUNA COMENTARIO

Please enter your comment!
Please enter your name here