Home Politica Dangui Oduber di MEP ta convenci cu tur hende lo sinti e...

Dangui Oduber di MEP ta convenci cu tur hende lo sinti e cambio cu Gobierno nobo

76
0
SHARE
- Advertisement -

ORANJESTAD (AAN): E siman aki oficialmente e formacion di e gobierno nobo ta cuminsa. Den fin di siman gobernador di Aruba a apunta sra Evelyn Wever Croes como formador pa e proximo gobierno.

Despues di un ronde di informacion caminda un rapport di informador a worde entrega na su excelencia gobernador e momento a yega pa forma un gobierno nobo. E gobierno nobo aki lo ta uno di coalicion respetando e rsulatdo di eleccion di dia 22 september 2017.

Segun Dangui Oduber, pueblo a papia y a pidi pa coalicion y esaki ta e resultado cu nos mester bay traha cune. Ta un hecho cu pais Aruba a worde laga na werki, bancarota, destrui y sin perspectiva. Nos sa kico ta e situacion, nos a pidi pueblo e confianza pa atende cu e situacion penoso aki y na e momentonan aki nos ta cla pa asumi nos responsabilidad.

Segun Oduber, nan kier pa pueblo ta consiente cu e gobierno nobo lo ta uno transparente y uno cu di berdad ta bay traha na biniestar y progreso di e pais aki. E gobierno nobo su tarea ta pa pueblo sinti e cambio den nan cartera y sinti e cambio den nan manera di biba. Nos lo percura pa un alivio pa e cartera, nos lo percura pa un crecemento economico cu lo yuda crea empleo y lo yuda mehora e situacion financiero. Nos kier trece e siguridad back pa pueblo cu a bay perdi ultimo 8 añanan aki. Nos kier tur hende por cana liber sin tin miedo cu nan ta worde atraca of horta. Nos kier nos Aruba back.

Cu optimismo nos ta mira un futuro briyante pa tur cu ta biba riba e pais aki. Porfin un aire fresco ta supla atrobe riba nos dushi Aruba caminda lo tin un gobierno integro cu tey pa sirbi su pais. Nos no tin ningun interes pa traha pa un grupito sino nos unico interes ta pa pone e hende central den nos gobernacion. Nos ta spera cu e proceso di formacion cana manera ta worde premira y mas pronto posibel Aruba tin su gobierno nobo.

 

- Advertisement -

DUNA COMENTARIO

Please enter your comment!
Please enter your name here