Home Politica Deficit financiero di Aruba ta 195 miyon florin, en vez di...

Deficit financiero di Aruba ta 195 miyon florin, en vez di un surplus di 25 miyon

310
0
SHARE
- Advertisement -

Segun Evelyn Wever Croes,

ORANJESTAD (AAN): Lider di MEP Evelyn Wever Croes Diaranzon a duna di conoce cu e Informador a confirma cu den lineanan grandi e disponibilidad di e tres partidonan MEP, POR y RED tey pa forma un coalicion.

Esaki despues cu el a reuni cu e Informador mainta.

El a mustra tambe riba e hecho cu segun un carta di Directie Financien, Aruba tin un deficit financiero di 195 miyon, en vez di un surplus di 0,5% cu ta 25 miyon florin.

“Nos ta papiando aki di un buraco financiero di casi 200 miyon florin, cu e Gobierno nobo ta haya awe riba papel”.

“Esaki ta mustra di biaha e retonan cu tin nos dilanti”.

“E reto no ta solamente cu partidonan cu no a traha cu otro awor tin cu bay traha cu otro y tampoco cu tin cu bay defini kico si y kico no por wordo ehecuta for di e plan di cada partido”.

“Mester atende tambe pues cu e realidad financiero cu ta hopi mas serio cu locual nos a pensa cu e lo ta”.

“Nos tabata sa cu e presupuesto no ta entrega, nos tabata sa cu tabata tin mester di tin un surplus di 25 miyon florin, pero nunca nos a pensa cu e buraco financiero ta casi 200 miyon”.

Esaki segun Wever Croes, kende a sigui bisa cu esey ta un realidad cu mester biba cune.

“E ta cambia e scenario, pero e no ta cambia nos disponibilidad”, segun e lider di MEP.

El a sigui bisa cu Diaranzon mes e Informador tabata finaliza su combersacionnan cu tur e partidonan, pa despues sigui cu e siguiente paso, unda cu e partidonan lo purba firma un convenio, pa Informador entrega su rapport na Gobernador e siman aki mes.

Pa loke ta e hecho cu partido AVP lo a bisa cu un coalicion di MEP y POR y/of RED lo ta un Gobierno instabil, e lider di MEP a bisa cu AVP ta liber di expresa su mes, pero MEP ta mustrando respet pa decision di pueblo.

“Cu e no ta mes stabil cu si un partido goberna su so nos tur sa”.

“Un coalicion ta trece mas ‘cheques and balances’, pero tambe mas riesgo”, pero e lo conta pa AVP tambe pa e coalicion cu nan kier forma, pasobra awor diripiente nan kier forma tambe”, segun Wever Croes, kende a sigui bisa cu ora cu firma e convenio pa goberna Aruba, esaki ta bay ta basa riba e intencion di ta un gobierno stabil, firme y uno duradero cu por tuma e decisionnan cu Aruba tin mester.

- Advertisement -

DUNA COMENTARIO

Please enter your comment!
Please enter your name here