Home Politica Den gobierno di coalicion mayoria di cartera mas importante ta bay pa...

Den gobierno di coalicion mayoria di cartera mas importante ta bay pa e partido mas grandi

702
0
SHARE
- Advertisement -

Evelyn Wever-Croes lider di MEP

ORANJESTAD (AAN) – Den encuentro cu prensa despues di a reuni cu Informador, e lider di Partido Movimiento Electoral di Pueblo (MEP), sra. Evelyn Wever-Croes a declara algun detaye di e reunion aki.

Sra. Wever-Croes a declara cu el a tuma nota di e instruccion cu Informador a haya for di Gobernador, cual ta pa haci tur esfuerzo pa yega na un Gobierno cu e base mas amplio.

Den e cuadro aki e partidonan MEP, POR y RED pa yega na cierto puntonan cu pa Gobernador ta hopi importante, entre otro, e tema di finanzanan publico cu mester haya atencion, y ademas el a sugeri pa laga un grupo di experto haci un investigacion tocante e estado di Gobernacion na e momentonan aki y kico e Gobierno nobo lo topa cune.

Dia cu MEP a reuni cu Gobernador, nan a expresa nan disposicion pa sondea e posibilidadnan pa yega na un coalicion riba un base mas amplio, aunke esey no tabata locual nan a spera di logra, pasobra nan a campaña pa bay gana un eleccion riba su mes. Pero pueblo a papia cla y nan a pidi pa un coalicion, y MEP ta asumi su responsabilidad y lo haci tur loke ta na su alcance pa logre.

Sra. Wever-Croes a subraya cu no tin ningun acuerdo ainda cu ningun partido. Si ta asina cu tabata tin contactonan no oficial, na spera di e tarea di e Informador, cu a cuminza dialuna. Despues di e contacto aki lo drenta den e fase mas avanza encuanto combersacionnan cu e diferente partidonan. El a reitera cu si tabata asina cu nan a gana e eleccion cu mayoria absoluto, tur cos lo a bay hopi mas facil.

El a recorda cu 20 aña pasa Aruba a pasa den algo similar, y nan mester tuma tempo pa no haci nada den pura, sino pa tur cos bay nechi y bon pa asina yega na e gobierno cu Aruba ta desea.

Wever-Croes a agrega cu MEP ta habri den mayoria di aspecto. Pero algo cu mester tene cuenta cune ta cu un Gobierno di coalicion sea entre MEP, POR y RED of MEP y POR, lo bay ta un gobierno cu signatura di MEP cu mayoria. Esey kiermen cu tin e mayoria di e carteranan mas importante. Ora di wak un pais ta draai riba loke ta, por ehemplo, economia, loke ta Husticia den e tempo aki, y mescos Finanzanan publico, esey ta un triangulo cu tin cu wordo carga pa e partido di mas grandi. Pero ta habri y aki ta bay cuminza papia y delibera mas den detaye riba kico por ta un contenido di coalicion. No ta cuminza cu partimento di cartera of e personanan. Ta inicia cu e temanan, kico ta e temanan cu, como coalicion, cu un base amplio, lo kier logra den cuater aña, kico ta e prioridadnan cu lo pone y e ora ey ta bay wak con pa logra esakinan.

- Advertisement -

DUNA COMENTARIO

Please enter your comment!
Please enter your name here