Home Gobierno Departamento di Impuesto a cuminza paga algun restitucion

Departamento di Impuesto a cuminza paga algun restitucion

116
0
SHARE
- Advertisement -

ORANJESTAD(AAN): Den un entrevista cu cu director di departamento di Impuesto señora Luenne Gomez Pietersz el a duna bon noticia pa esnan cu ta sperando restitucion.

Señora Gomez a splica cu enberdad tin bon noticia. A cuminsa procesa e formularionan di Inkomstenbelasting 2013, y e ultimo informacion cu el a ricibi for di e hefe di e seccion en cuestion ta cu falta rond di 13 mil formulario pa worde procesa. Pero tin algun cliente cu ya caba a ricibi pago di restitucion y ta premira cu lo dura un tres siman mas prome cu keda cla cu e documentonan di e impuesto aki di 2013.

E formulario nobo di Inkomstenbelasting 2014 ta evaluando su aspecto tecnico den e sistema di Departamento di Impuesto y ta spera cu por finalisa di procesa nan den e sistema pa final di aña of cuminsamento di 2018. Departamento di Impuesto a traha un plan y esaki ta encera cu den 2015 nan kier caba di procesa e formularionan di 2015 y 2016 (pa cual tin un uitstel te cu 3 di april 2018 cu e ultimonan mester ta entrega).

“Mi ta premira cu pa banda di juli nos lo ta completamente “on schedule”. Esaki ta algo di elogia na henter e team cu ta trahando riba e aangiftenan y e Departamento completo. Nos tin un ekipo y in meta p traha den actualidad y funciona mas eficiente. Mi ta orguyoso di nos ambtenaar cu ta haci nan esfuerso riba tereno di cobransa, restitucion, control, caheronan, pa logra nos metanan.”

Señora Gomez ta bisa cu berdad e departamento tabatin un retraso riba e tereno aki. El a duna ehempel di paisnan, manera Hulanda, cu ta traha cu “voor ingevulde aangifte” y e cliente ta haya un formulario cu ta practicamente yena caba y e mester solamente mester controla como pagado di impuesto si e informacion ta corecto.

Esaki ta pasobra Departamento di Impuesto ta haya informacion di banconan y otro institucionnan pa procesa e informacion y duna e cliente e datonan pa controla. Aruba sinembargo, el a bisa, no ta asina leu ainda. Prome a traha pa baha e retraso cu tin y e meta ta cu na momento ta na tempo cu su datonan, na 2018, lo kier yega na e punto cu e cliente ta entrega su formulario y den 6 luna e ta haya su restitucion.

E sistemanan di automatisacion ta hunga un rol importante den un proceso asina. “Na final di dia nos kier yega na un aangifte cu ta worde no –otorga via papel, pero ta disponibel online unda cu por yena di biaha y cual lo facilita e parti di procesamento.

Naturalmente esaki ta exigi cierto inversion. Nos ta contento di a haya e fondonan disponibel cu nos por caba un parti di e proyecto cu nos tin canando. E clientenan tambe lo ripara cu e trabao duro cu nos ta haci tras di cortina, lo keda ilustra den e eficiencia di servicio cu nan ta brinda. Esta cu hopi servicio por bay worde duna online of via website,” señora Gomez a informa.

 

- Advertisement -

DUNA COMENTARIO

Please enter your comment!
Please enter your name here