Home General Di 8 CAO firma entre AZV y sindicato FTA

Di 8 CAO firma entre AZV y sindicato FTA

13
0
SHARE
- Advertisement -

ORANJESTAD(AAN)— Diaranson 25 di oktober ultimo, AZV y sindicato FTA a firma un CAO nobo, esta e contrato colectivo valido pa e periodo di 2017 te 2020. Despues di algun luna di negociacion, unda tabata tin ‘aki aya’ algun diferencia di opinion pero nada di gran impacto, tanto gerente di AZV como FTA ta satisfecho cu e contrato colectivo a wordo firma.

Di ocho CAO

E contracto colectivo aki ta e di 8 realisa desde inicio di AZV te cu awe. Na inicio di AZV a traha cu un ‘algemene overeenkomst’ cual despues a negocia y a yega na e prome CAO oficial pa e periodo di 2004-2007. Siguientemente diferente delegado a negocia CAO 2007-2009, CAO 2010-2011, CAO 2011-2012, CAO 2012-2013, CAO 2013-2014, CAO 2014-2017 y e mas recien, esta e CAO 2017-2020. E miembrecia di FTA tambe a crece, unda na comienzo di AZV tabata tin 18 trahado afilia na FTA, awendia tin 54 trahado afilia na FTA di e total di 84 trahado den servicio fiho di AZV.

Posicion AZV

Segun gerencia di AZV, por mira riba un trayectoria fructifero entre partidonan. Pa hopi aña FTA exitosamente a representa e trahadornan di AZV. Hunto a sali for di e punto di bista cu e tarea di e trahadornan di AZV ta di igual importancia cu por ehempel cualkier otro dunador di cuido medico na Aruba. Cu firmamento di e CAO nobo aki, tanto AZV como FTA ta sigui garantisa e paz laboral dentro di AZV.

Riba e imagen por mira (di robes pa drechi), señor Giovanni Sapuana (delegado di FTA), señor Tyrone Bremo (vice-presidente di FTA), señor Hubert Dirksz (presidente di FTA), señor drs. Anco Ringeling (director di AZV) y señor Elgar Gomes (delegado di FTA).

- Advertisement -

DUNA COMENTARIO

Please enter your comment!
Please enter your name here