Home Comentario Di con envez di palonan di mata cu fruta ata awor ta...

Di con envez di palonan di mata cu fruta ata awor ta simplemente cadushi y aloe

726
0
SHARE
- Advertisement -

ORANJESTAD (AAN): Pueblo a wordo priminti un Green Corridor cu matanan di fruta a lo largo di e ruta, y mucho mas, pa asina cumpli cu e nomber di “Green”.  Di e forma ey tambe, a lo menos den prensa a trata na scapa e hecho cu a destrui y roza masha hopi palonan di mata pa e proyecto por a bira realidad.

Pero awor?  Pueblo ta comentando mas y mas riba e pober realidad di e caminda nobo aki for di Aeropuerto te cu Pos Chikito.  Esta cu envez di haya e matanan bunita cu e arkitecto a sketch riba imagen pa asina bende cu pueblo… ta algun cadushi y aloe ta wordo poni mey-mey di e dos via di Green Corridor.

E potret cu a circula na comienzo tabata cu e caminda di Pos Chikito pa Playa lo ta dividi cu bunita palonan di mata cu ta crece mey-mey.

Pero awor na 2017, ta parce cu e promesanan ey tur tabata falso.  Ta djis algun cadushi y aloe tin poni, riba un sorto di ‘berm’ cu ta full traha di santo.

Pa colmo, e poco yobida cu tabatin ultimo simannan a demostra cu e seronan di santo aki ta djis separa y plama tur dos banda di caminda.  Esey tabata djis cu un tiki yobida.

Kico lo pasa si por ehemplo e yobida pisa di un aña pasa azota e isla?  Tur e seronan di santo aki lo desaparece?

Di con Gobierno a acepta e cambio aki?  Of kizas e persona encarga cu vigilancia di e proyecto, no a ripara mes?  Si acaso awor ta sali na cla cu no a pone palonan di mata di fruta, pero djis cadushi y aloe, e ora e compania lo bay duna un descuento den e prijs di e proyecto?

Ya caba riba Diahuebs por a nota cu nan a usa algun vehiculo pisa pa purba na “set up” e seronan di santo bek, na e lugarnan unda el a plama full.

E imagennan di e arkitecto tabata mustra un Green Corridor rondona pa palonan di mata bunita tur caminda, cu tabata merece di berdad e nomber “Green”.

Awor pueblo tin di djis hala rosea y aparentemente acepta e cadushi y aloe.

- Advertisement -

DUNA COMENTARIO

Please enter your comment!
Please enter your name here