Home General Di un forma structura mester train nos muchanan na scol pa sa...

Di un forma structura mester train nos muchanan na scol pa sa kico pa haci ora di calamidad

97
0
SHARE
- Advertisement -

Mayornan preocupa

ORANJESTAD (AAN):  Algun mayor a trece dilanti nan preocupacion relaciona cu e hecho cu recientemente tabata tin algun desastre natural den nos region y algun pais cerca di nos.

Nos ta papiando di e efectonan cu horcan Irma a ocasiona por ehempel na Sint Maarten, Florida, Puerto Rico, entre otro y e desastre di e teremoto na Mexico.

Por ehempel, e preocupacion a bay den e sentido cu tin mayornan cu no ta sinti cu nan yiunan ta totalmente sigur ora cu nan ta na scol. Pakico? Pasobra a yega di puntra e yiu si nan a haya un training den caso di calamidad y e contesta di e mucha tabata no.

Kico lo pasa si un dia tin un emergencia similar na esun di Sint Maarten? Of esun di Mexico? Aunke ta conoci cu Aruba ta wordo afecta hopi menos pa e horcannan of cu nunca tabata tin un temblor asina fuerte. Pero tog, esaki ta keda un preocupacion.

Pueblo di Aruba ta custumbra cu e pensamento cu e horcannan no ta afecta e isla of cu nunca Aruba lo wordo afecta pa un teremoto. Pero mester corda cu naturaleza ta naturaleza y cu tin eventonan cu no por evita pasobra naturaleza ta esun cu ta dicidi.

Kico ta e plan na scolnan den caso di calamidad? E muchanan sa kico nan mester haci si e edificio ta cuminza shake den otro? Nan sa kico ta e prome cos cu nan mester haci si tin alarma di tsunami? of cualkier otro evento di nos naturaleza?

Si esey ta e caso lo ta bon pa Ministerio di Enseñanza cuminza tene cuenta y duna prioridad na e preocupacion aki. E muchanan mester sinti nan mes sigur, safe.

Di un manera structura, cada aña mester duna e muchanan un training di repasa cu nan e protocolnan hunto cu Oficina di Calamidad y e otro instancianan cu ta traha hunto ora di calamidad. No laga e cosnan sosode pa tuma e pasonan necesario.

- Advertisement -

DUNA COMENTARIO

Please enter your comment!
Please enter your name here