Home Salud Dia 11 di November lo tin prik-actie na Centro Kibrahacha

Dia 11 di November lo tin prik-actie na Centro Kibrahacha

19
0
SHARE
- Advertisement -

Diabetes

ORANJESTAD(AAN): Relaciona cu Dia Internacional di Diabetes, lo tin un Prik Actie na Aruba tambe.

Esaki lo ta dia 11 di November na Centro Kibrahacha. Dokter Asistent Aruba hunto cu Novo Nordisk lo haci esaki.

Durante entrevista cu Natasha Upegui di Dokters Asistent Aruba el a splica cu kier concientisa e pueblo en general, kico ta diabetes y duna e diabeticonan chens pa nan por yega cerca, pa por duna informacion.

E dia aki lo ta for di 8’or di mainta, caminda cu lo organiza e prikactie, unda cu lo haci un checkeo di presion y sucu. Lo bay tin enfermeronan specialisa di diabetes pa por papia cun’e.

Ta bay tin un dietista y lo bay purba di tin un dokter tambe presente. Por bin cu cualkier pregunta. Lo bay purba di contesta esakinan y claro haci e checkeo pa e pueblo di Aruba.

Diabeticonan:

Segun Upegui, esaki ta habri pa tur esnan cu kier haci checkeo. Ta pa diabeticonan cu kier bin y controla, pero pa esnan cu no ta diabetico, tambe ta welcome pa haci e checkeo. Lo ricibi un carchi cu e resultado riba dje, cu semper y cuanto si e ta halto, tanto e sucu of presion, e por bay back cerca su dokter di cas.

Prepara pa e dia aki:

E team lo consisti di e dokter asistenten, enfermera of enfermeronan. Kier target hopi hende. E meta ta 200 persona mas of menos. For di 8’or di mainta lo cuminsa y lo sigui te banda di 11’or of 11’or y mey di mainta.

Ta desea pa e personanan bin na yuna. Lo cuminsa tempran. Esaki ta pa tin e sucu na yuna. Por controla e waarde miho. Pero si el a come, toch por haci un calculacion pa e pashent.

Lo bay tin conseho. Awor aki den cada huisartsenpraktijk, tin un praktijk ondersteuner. E ta un persona cu a haci un estudio un tiki mas riba diabetes. E ta guia e pashent den e practica di dokter. Tambe lo bay purba di tin un dietista cu por duna conseho di con mester come ora cu un personta ta un diabetico.

 

- Advertisement -

DUNA COMENTARIO

Please enter your comment!
Please enter your name here