Home Hudicial Diabierna Corte lo trata asalto arma fatal riba dama Chines na Wayaca

Diabierna Corte lo trata asalto arma fatal riba dama Chines na Wayaca

309
0
SHARE
- Advertisement -

Un abogado Hulandes awor lo defende e Chines sospecha di a planea tur cos

ORANJESTAD (AAN): Diabierna mainta ta planea pa e tratamento di e caso penal contra E Boneriano J.E. y e Chines P.F. tuma lugar.

Nan ta e sospechosonan di e asalto fatal cu a sosode dia 13 di September 2016 den Wayaca, caminda a tira un dama Chines mata mientras cu a herida su casa. Diferente biaha e caso aki a bin dilanti pero a keda posponi, door cu investigacionnan tabata tumando lugar. Na Juli 2017 e caso a worde pospone un biaha mas caminda a keda palabra cu mayan mainta tratamento lo tuma lugar. E sospechoso Chines P.F. awor ta worde representa pa e abogado Hulandes mr. Spong y asisti pa mr. Ruiz.

ASALTO FATAL:

E acusacion contra e Boneriano J.E. y e Chines P.F. ta cu riba 13 di September 2016 a haci e asalto arma na Wayaca caminda a tira mata un dama Chines den cabez cu consecuencia cu el a fayece. E casa di e dama Chines a worde tira tambe. Esaki ta e sospechoso J.E. a haci y despues a core bay den un auto for di e cas.

Fiscal ta acusa e duo di a tira mata e dama Chines, a purba mata e casa y e yiu homber. E asaltante J.E. a tira den direccion di nan curpa. A bay cu un suma di placa, un cadena, telefonnan y un auto.

Fiscal ta acusa e Chines P.F. di ta complice di e asalto fatal y di a suministra informacion y a planea tur cos.

Parce cu J.E. a bisa cu ta P.F. a bin cu e plan.

Na Juli 2017, Hues a bisa cu a bin masha hopi documentonan mas acerca. Fiscal a bisa cu ainda falta resultadonan di NFI riba e marcanan di sanger cu a haya den auto cu J.E. a core bay cun’e. Si tur cos ta bon, e resultadonan aki a yega caba y tanto Hues como abogadonan lo tin esakinan. Ta asina cu abogadonan mr. Carlo y mr. Illes ta defende e sospechoso J.E.

Diabierna mainta e tratamento ta planea pa tuma lugar. DIARIO lo informa lectornan kico tur a sosode den sala di Corte.

- Advertisement -

DUNA COMENTARIO

Please enter your comment!
Please enter your name here