Home Actividad Especial Diabierna venidero lo tin concierto di Gospel na Aruba

Diabierna venidero lo tin concierto di Gospel na Aruba

23
0
SHARE
- Advertisement -

ORANJESTAD (AAN): Iglesia Pentecostal di Aruba ta invita henter pueblo di Aruba na un concierto di Gospel. E concierto aki ta tuma luga na Cas di Cultura dia 13 di october benidero di 8 or pa 11 or di anochi.

E lo ta un bunita anochi cu artista local y internacional.  E topico di e concierto ta “Intimidad Cu Dios” y e meta ta pa sinti presencia di Dios mas cerca  den e cantica, y bailenan cu nos lo presenta e anochi ey.

E artista principal ta Gerry Thompson, un psalmista y evangelista cu a nace na

Jamaica y ta biba  na Canada.  Gerry Thompson lo trece su mensahe di liberacion for di tur sorto di adiccion,  manera criminalidad, droga, prostitucion, corupcion etc. den forma di cantica di Gospel cu ritmo  manera Soca, Reggae y Country & Western.

E artistanan local, manera Acapella 4 (A4), Eltienne Yazagaray (di e cancion popular ‘Bo ta  Santo’) y Shaloom Gospel Singers bou di direccion di Academia di Musica di director Musical Israel Figuero, lo alegra e publico cu cancion moderno y clasico cu e meta pa crea un relacion intimo cu Señor.

Como sorpresa di e anochi ey nos tin un artista hoben, Señorita Pierre, cu recientemente a dicidi di dedica su bida na Cristo. Señorita Pierre lo trece su canticanan den su bos angelical y publico lo keda babuca di e talento cu Dios por crea den bo.

Y last but not least lo tin presentacion di e grupo di baile ‘Army of God’ cu ta bou di direccion di Estena Turner, yiu muher di Cantante di Gospel Lester Lewis (autor di e reggae Gospel “WINNA MAN”). Army of God ta trece baile y drama den un, pa hiba bo den un ambiente bibo y intimo cu Dios.

Nan ta spera cu henter pueblo di Aruba lo ta presente na e concierto cu un toke diferente aki.

- Advertisement -

DUNA COMENTARIO

Please enter your comment!
Please enter your name here