Home Politica Diadomingo awor Partido AVP ta organiza ‘Dia di Gratitud’

Diadomingo awor Partido AVP ta organiza ‘Dia di Gratitud’

55
0
SHARE
- Advertisement -

ORANJESTAD (AAN): Dia 22 di September partido AVP a haya respaldo pa di tres bes consecutivo como e partido mas grandi den eleccion. Pa di cuater bes consecutivo Pueblo di Aruba a duna nos lider di Partido, Mike Eman, tambe e respaldo mayor como ‘votegetter’ absoluto di Aruba. Basa riba e respaldo grandi aki di Pueblo, partido AVP tabata tin e honor di a goberna Aruba 8 aña y haci cambionan grandi y historico pa Pueblo y Pais.

Partido AVP, su lider y candidatonan, ta sumamente gradicido na Pueblo Arubano pa e confianza grandi aki y e respaldo ricibi un bes mas durante eleccion 2017 haciendo Partido AVP e partido mas grandi di Aruba. Diadomingo 22 di October partido ta organiza na Cas di Partido un dia special di gratitud na e pueblo Arubano. Partido AVP ta invita su votado, miembronan, simpatisado y boluntarionan pa expresa gratitud di partido na e Pueblo di Aruba.

Tur candidatonan di Partido y dirigentenan di bario ta presente pa ricibi y gradici tur esnan cu yega pa e dia di celebracion y gratitud aki na Cas di Partido. E responsabilidad cu Pueblo a duna partido ta uno grandi atrobe y AVP ta prepara y dedica pa cumpli cu Pueblo su mandato y confianza. Hunto cu Pueblo, AVP ta sigui traha pa salvaguardia e progreso comparti y cu a logra durante e ultimo añanan, y sigui hiba Aruba padilanti!

 

 

- Advertisement -

DUNA COMENTARIO

Please enter your comment!
Please enter your name here