Home Infrastructura Diamars anochi lo cera rotonde cerca di FTA

Diamars anochi lo cera rotonde cerca di FTA

110
0
SHARE
Web
- Advertisement -

ORANJESTAD (AAN):

Web

Departamento di Obra Publico ta informa pueblo di Aruba en general y specialmente tur automobilista cu ta haci uzo di e caminda principal di Oranjestad pa San Nicolas cu diamars 3 oktober 2017, desde 8:00 pm te cu 6:00 am, lo bay cera e rotonde di San Nicolas (FTA).

Motibo ta cu lo bay raspa y asfalta e caminda di e rotonde.

E desviacionnan di caminda ta lo siguiente:

Trafico for di Oranjestad direccion San Nicolas, ta worde desvia via di e caminda pariba di Fysiotherapia direccion Zeewijk, despues riba e caminda di Cura Cabay pa Zeewijk y na e caminda banda di Santana Catolico di San Nicolas sali back riba Bernardstraat banda di Pitstop restaurant y pasa riba e caminda pabou di Centro Medico ImSan pa yega back riba e caminda di Pastoor Hendrikstraat.

Trafico for di San Nicolas direccion Oranjestad, for di Pastoor Hendrikstraat, ta worde desvia via di e caminda pabou di Centro Medico ImSan, sali banda di Pitstop restaurant riba Bernardstraat y aki nan ta worde desvia via di e caminda pariba di Santana Catolico San Nicolas pa e caminda di Zeewijk pa Cura Cabay y via di Pieterboerstraat sali back riba e caminda principal direccion Oranjestad.

E ceramento y desviacionnan di e caminda lo keda indica cu baricadanan y borchinan di aviso.

En conexion cu e trabaonan menciona Departamento di Obra Publico ta haci un peticion na tur automobilista pa tene cuenta cu a cambionan den trafico y ta pidi pa tene cuenta cu e inconveniencianan cu lo por surgi pa cual nos ta pidi nos disculpa.

- Advertisement -

DUNA COMENTARIO

Please enter your comment!
Please enter your name here