Home Cultura Documentario ‘El Museo de La Salsa’

Documentario ‘El Museo de La Salsa’

32
0
SHARE
- Advertisement -

Ampliando conocemento cu Mirto Lacle

Robert Padilla, coleccionista y apasionado di Salsa

Diabierna, 27 di october 2017, 7.15 di anochi lo pasa e documentario ‘El Museo de la Salsa” na Tele-Aruba.

Diariamente tin miles di ciudadano ta transita di San Juan pa Caguas riba e express-way Luis A. Ferre. Esnan cu ta haci esaki mester por a nota un enorme letrero di Universidad Interamericana di Puerto Rico te na haltonan aya riba un di e ceronan di Cupey Alto. Net patras di dicho borchi di publicidad tin un memoria historico di cultura di Puerto Rico, bon warda, un refleho di un pueblo musical.

Dos container di metal ta concebi un soño personal cu e coleccionista di musica popular , Robert Padilla, a brasa algun tempo pasa: un galeria di salsa.

Robert Padilla ta poseedor di un di e coleccionnan cu ta abarca un gran cantidad di musica popular. Igual na un enciclopedia di musica, Padilla di conocemento profundo di dato, compositor, aña, exponente y epoca di e industria musical di Puerto Rico.

Ta pa dicho motibo Robert Padilla ta colabora cu e emisora radial Z93 como historiador di e genero musical salsa.

“Cu modestia mi por bisa cu na nivel mundial, den e sentido di ta posee cuatro elemento (disco, cd, video y potret), mi ta e coleccionista mas grandi. Tin personanan cu tin mas disco y mas cd, pero ora bo conta tur cos, ta trata di un gran coleccion. Mi a colabora cu Fania pa a saca riba cd tur e disconan cu tabata den forma di acetato. Mi tin mas cu diescinco aña ta traha cu Fania, pa e motibo cu mi tin e coleccion por laga traha cd,” segun Robert Padilla, kende a traha como mecanico durante 35 aña.

Den su tayer di coleccion e ta conserva mas di 20.000 disco, mas di 10.000 cd y mas di 10.000 ora di video di musica popular cu ta data desde musica cubano te musica campesino.

Padilla a cuminsa cu e tesoro musical aki mas cu 4 decada pasa. Sin embargo, den su mente tabata circula e idea di completa y haci algo mas cu e por a comparti cu pueblo di Puerto Rico, pasobra manera Robert Padilla a expresa, “di kico bal posee un tesoro y no compartie cu otro.”

Cu e filosofia aki Padilla a inaugura, 11 di maart 2016, e galería di salsa dedica na e salseronan. Esaki a sosode e mesun weekend cu na Puerto Rico a celebra “Dia Nacional de Zalsa” cu tabata diadomingo 13 di maart 2016, conmemorando 30 aña di festeho Salsero. E galeria ta situa na Cupey Alto riba e tereno di e residencia di famia Robert Padilla

Mas o menos 150 collage di potret ta recrea e escenario di e 30 aña di e evento mas grandi di e genero musical y bailable crea pa Pedro Arroyo, na kende ta dedica e di trinta edicion di ‘Dia Nacional de la Salsa’.

Robert Padilla tabata tin lunanan largo di hopi trabou.

Den e humilde espacio, e mecanico hubila, Robert Padilla, ta presenta su perspectiva grafico di loke a sosode pa 2 decada den e evento cu solamente ta retumba e clave salsero so, loke esunnan cu nos ta yama cocolo ta reclama y defende den nan afan pa no laga un genero, cu a logra cu salseronan y musiconan ta keda converti den embahadornan di Puerto Rico na mundo henter, bay perdi.

“Mi idea principal tabata haci e museo di musica popular den e cas na banda, pero como cu e cas no tabat cla Banco no por a duna mi un prestamo. Pa drecha e cas mi mester a haci uzo di mi placa di retiro pa traha y muebla e museo. E ora ey mi a impone un tarea hercúleo di laga pone trailernan aki riba e cero y converti nan den dos sala di galeria pa exposicion di salsa. Mi no tabata sa nada di galeria, hamas mi a bishita uno. Asina ta cu mi a busca un amigo cu a yuda mi cu algun conseho, pero ami no sa si e museo a keda bon of no. Solamente mi kier a aporta algo na historia, historia di Puerto Rico”, Robert Padilla, e coleccionista cu a traha cu Pedro Arroyo desde 1993 a señala.

Ademas di e imagennan cu ta refleha un mirada historico di loke a sosode riba tereno y riba tarima, e exposicion ta contene memorablia manera camisa, bachi, petchi, sombre, ticket conmemorativo di diferente edicion di e ‘Dia Nacional de la Salsa’.

Segun Robert Padilla ta conta cu aunke hopi fotografo profesional a plasma e historia di e evento e “dia Nacional de la Salsa’, di forma grafico, loke ta haci special di e exposicion di Robert Padilla ta cu el a haci e exposicion observa desde e bista di un fanatico.

 

- Advertisement -

DUNA COMENTARIO

Please enter your comment!
Please enter your name here