Douane haciendo control pa check si tur importacion a wordo declara corecto of no

    151
    0
    SHARE
    - Advertisement -

    ORANJESTAD(AAN): Recientemente DIARIO a tuma nota di un investigacion cu ta andando y a yega asina leu cu Douane por duna informacion riba cierto cosnan of sancionnan a cay, kendenan ta envolvi den henter e caso aki, cuanto tempo e ta andando y ki ora e ta 100% soluciona.

    Segun Ricky Croes, director di Douane, a splica cu nan tin un control administrativo cu nan a cuminsa cun’e.

    Desde 2 aña pasa, a pone nan RMT (Risk Management Team) den funcion, cu a cuminsa traha riba riesgonan, a saca algun informacion y a base di e informacionnan ey, a cuminsa cu controlnan administrativo. Tin un compania caba cu a worde conclui.

    E compania aki a haya mas of menos un 300 mil di navordering, pero a haya 500 mil tambe di boet cu a worde implimenta door di Officier van Justitie.

    Asina tin otro companianan cu ta worde controla.

    Control:

    E control ta encera cu Douane ta bay den nan administratie. E personal di Douane ta bay compara nan administracion cu locual Douane tin den nan sistema. Basa riba esey, ta saca afo kico realmente por a pasa of kico nan por a entrega na factura falso, of nan a pone e balor di e producto mucho abao. E invoerrechten ta worde cobra for di e balor di e producto, e gastonan di transporte y e seguro cu nan ta paga pa e producto. Tur hunto ta forma e CIF waarde of e Douane waarde y door di esey ta cobra e invoerrechten.

    Bayendo back den administracion, comparando cu e sistema di Douane, ta wak kico por a worde haci malo den e caso aki, of si ta di producto tambe cu a worde importa, sin cu nan a paga invoerrechten of sin cu a worde declara.

    Sigui cu control:

    Esaki ta un sistema cu a cuminsa cun’e awo. Ta bay laga e productonan bay mas facil. Ta purba di traha poco pa promove e economia. Pero ta bay keda cu un control streng si, tanto na entrada, pero despues di entrada tambe, ta bay controla mas administrativo.

    A cuminsa caba cu un compania, di cual e control a finaliza. Tambe tin otro companianan cu tambe a bin na remarca pa control. Asina diferente compania cu ya ta preparando pa controla nan.

    Obligacion na Douane:

    Den nos leynan cu tin di Douane, e ta duna nan posibilidad pa pidi administracion di e compania, pa por compara nan. Si acaso cu tin algo malo, tin ley para tras di Douane pa e controlnan ey.

    Reaccion:

    Ricky Croes di Douane a splica cu cada compania tin su rechtsingang. Nan ta bay, controla, ta constata algo, ta constata cu tabata tin factura falso, por ta e balor di e producto cu a duna ta abao. Por ta nan a keda sin declara algo na entrada. Asina Douane ta confronta e compania cun’e y nan tin nan derecho e ora pa bay den obhecion ora cu tur cos ta cla. Despues di esey nan por bay den beroep y hoge beroep tambe awo.

    Tipo di producto:

    Tin cu bisa cu hopi biaha tin cosnan cu ta pasa bay sin cu Douane por haya un chens pa wak bon riba dje y den e controlnan aki kisas den factuurcontrole, nan no ta cay riba cierto facturanan of ora di controla e container mes, nan no tin e facturanan corecto.

    Nan ta waknan, pero nan no tin un motibo pa duda di e factura. Pero despues di e entrada, bay back den nan administracion, eynan si por mira kico nan tin den nan administratie y ta compara di loke nan a uza na entrada. Asina ta bin saca afo e foutnan cu ta worde haci.

     

    - Advertisement -

    DUNA COMENTARIO

    Please enter your comment!
    Please enter your name here