Home arte y espectaculo Dyon Center Aruba a trece curso di trabao cu blaas pa diseñadornan...

Dyon Center Aruba a trece curso di trabao cu blaas pa diseñadornan local

166
0
SHARE
- Advertisement -

Clausurando cu un interesante expo:

ORANJESTAD (AAN) – Señor Ricky Croes, director di Dyon Center Aruba, den entrevista cu Matutino DIARIO a splica tocante e exposicion di blaas cu a tuma lugar, den fin di siman.

El a duna di conoce cu e compania di blaas di Colombia cu ta provee Aruba, a duna un curso gratis, di cuater ora, pa cien persona, cual a culmina den un exposicion di blaas cu publico por a pasa presencia despues di e curso.

Hopi idea, hopi diseño por traha cu blaas y su diferente modelo y grandura, di grandi di tres pia halto te e mas chikito. E reaccion di e cursistanan tabata sublime, sr. Croes a subraya.

Sra. Paola Guarin ken di e compania di blaas di Colombia, a splica cu esaki ta un curso basico riba uso di e blaasnan, pa nos decoradornan local siña con pa traha figura y traha diseño; pa nan siña haci forma di arco, diseñonan tematico manera pa Pasco, San Valentino, y otro festividadnan cu nos ta celebra.

E ta conoce caba e trabao cu blaas cu ta wordo haci na Aruba, cu e ta haye hopi bunita pero cu falta un tiki tecnica so y pesey e curso aki ta pa nan mehora nan bunita trabao y explota un tiki mas nan conocemento y creatividad. El a subraya cu e fantasia trahando cu blaas no tin limite, e limite ta cada diseñador ta pone riba su mes.

- Advertisement -

DUNA COMENTARIO

Please enter your comment!
Please enter your name here