Home Infrastructura Embeyecemento di area di waf na Playa ta importante pa Aruba

Embeyecemento di area di waf na Playa ta importante pa Aruba

121
0
SHARE
- Advertisement -

Ing. Jossy Figaroa di APA

ORANJESTAD (AAN): Diahuebs mainta a tuma luga na Renaissance Convention Center e Cruise Symposium Aruba 2017. Durante e simposio aki a pone hopi enfasis riba e desaroyo cu lo bay tin dilanti Bestuurskantoor bay abou y cu, segun director di APA Jossy Figaroa, mester bay complementa cu e proyecto na Bushiri Hotel.

Den combersacion cu Figaroa, el a splica cu nan tin algun tempo caba trahando riba e proyecto di embeyecimento di henter e area di waf na Playa rond di dje. “Nos ta spera cu pa fin di aña nos ta hopi mas avanza cu por bini cu esaki den publicidad y duna un mas miho splicacion di e proyecto.”

Loke si e por bisa cu riba e strip aki ta bini un variedad di actividad  y structura. Loke ta bay traha riba dje, ta forma parti integral di loke tabata e proyecto pa Playa y centro di ciudad, y e mester tin integracion cu loke ta bay sosode na Bushiri y Schoenerhaven, e parti dilanti Bestuurskantoor.

Importante den henter e desaroyo aki, Figaroa a bisa, ta cu bay construi of desaroya algo cu no solamente ta importante pa turistanan crucero pero tambe pa e ciudadanonan local. E ta

crea un ambiente unda cu famia por disfruta di e area aki, pasando momentonan agradabel.

E lo pas sigur cu e plan total si mira cu e intencion ta pa desaroya e area di Bushiri como un beach publico, unda cu turista y localnan por mescla cu otro. “Nos ta hopi entusiasma cu e proyecto di waf, cu lo bira algo hopi bunita y importante pa Aruba.”

Aruba Ports Authority ta trahando full speed riba e proyecto di embeyecemento di henter e area y nan ta spera cu pa mas o menos mey-mey di 2018 lo cuminsa entrega e prome terenonan pa worde desaroya. Edificionan cu lo construi den e area ey mester representa e ambiente Caribense, y pa embeyecimento

di e area lo uza mas tanto posibel matanan local.

 

- Advertisement -

DUNA COMENTARIO

Please enter your comment!
Please enter your name here