Home Suceso Ex-Candidata di Miss Teen Aruba deteni debi na pelea riba caya

Ex-Candidata di Miss Teen Aruba deteni debi na pelea riba caya

14855
0
SHARE
— Polis hibando esnan deteni pa e vehiculo Dog Catcher.
- Advertisement -

ORANJESTAD(AAN): Diasabra madruga mientras cu polis tabata haciendo control di trafico na altura di Sand Bar, a surgi un problema den e area.

— Polis aki tratando na kibra e pelea.

Polis a bin haya sa di algun hende, cu un mucha homber celoso y di remate a dal su mucha muher, un ex-candidata di Miss Teen Aruba, den e parkinglot patras di Sopranos.

Increible pa kere cu den Siglo 21 tin homber ta dal muher ainda!  Pesey mes dos ciudadano hoben cu a mira esaki, a bay defende e mucha muher, y pelea a start.

Mokete tabata skeiro entre nan cuatro, ora cu Polis a yega, y ni cu presencia di polis, e hobennan tabata sigui manda golpi, bringa mano a mano.   Polis a haya nan ta wanta e hoben mas problematico den un ‘yabi’, pa asina e purba controla su mes.  E hoben aki tabata di remate!!!   Finalmente ta dos Polis mester a pone abao na piso, y nan dos a keda riba su lomba, pa evita cu e ta lanta bek y causa mas desastre, y a pone porfin boei na su man.

— Polis a gara e hoben di remate den un ‘yabi’.

A keda autoridad ningun otro solucion, sino detene tur esnan cu tabata meti den e pelea forma aki, incluyendo e mucha muher bisti den disfraz di Wonder Woman.  E ta novia di e hoben cu tabata di remate.

Polis a tuma tur su tempo, pa asina a aresta esnan envolvi, y a haci esey cu hopi papiamento.  Tambe a listra nan pa check kico nan tin den nan poder.

   E dos hobennan cu a bay defende e damita, tabata compronde e situacion y pakico nan ta wordo deteni, y nan tabata hari tambe.  Nan a bay duna un man y tog keda deteni.

  Wonder Woman a keda deteni paso e tambe a resisti contra Polis y no tabata razona cu agentenan.

   Pero e hoben di remate si tabata dificil pa e por a razona cune.  Despues a transporta nan tur den vehiculo Dog Catcher pa Warda di Polis , pa asina nan tur bay duna cuenta pa nan hecho, y pa yama Fiscal Auxiliar pa e tuma decision cual ta keda deteni, y cualnan por bay cas.

Ora cu Polis a listra e hoben di remate, nan a haya algo den su carson y a wordo confisca.  Pero Polis no a divulga na prensa kico exactamente nan a haya.

— Momento cu a aresta Wonder Woman.

Cada uno di e hoben aki, nan “papel di buena conducta” ta wordo mancha asina innecesariamente, y esaki lo por ta un problema na algun scol riba e isla, ora di bay pasa Examen den futuro.

- Advertisement -

DUNA COMENTARIO

Please enter your comment!
Please enter your name here