Home Hudicial Falta hopi hende ainda pa interoga den caso Paul Croes

Falta hopi hende ainda pa interoga den caso Paul Croes

696
0
SHARE
- Advertisement -

Hopi hende ta nervioso

ORANJESTAD  (AAN)  – Siman pasa DIARIO a publica cu Hof a rechaza e apelacion di Paul Croes contra su prolongacion di detencion di 60 dia. DIARIO por a compronde cu ainda falta hopi hende pa interoga.

HOPI HENDE NERVIOSO

Investigacion cu DIARIO a haci ta mustra cu, te cu dia 6 di November 2017, no ta sigur cu Paul Croes lo wordo laga liber. Esaki pasobra e team special di investigacion cu a bin for di Hulanda, tin un cantidad di hende ainda pa interoga.

Esaki tin hopi hende nervioso. Especialmente esnan cu sa di cosnan irregular of tambe ta meti den cosnan no regular y ainda no a wordo interoga. Tin hopi speculacionnan ta circula pero DIARIO no ta bay riba speculacion. For di fuente digno di confianza, DIARIO a haya sa cu e miembronan di e team special di Hulanda, a laga sa cu nan tin un cantidad di hende ainda pa interoga y esey ta nifica cu no ta exclui cu mas detencion lo cay den e dianan cu ta nos dilanti.

Esey ta haci cu hopi hende, cu di un of otro manera tabata forma parti di e Gobierno anterior, ta hopi nervioso pasobra un ora pa otro detencion por cay.

 

PAUL TA KEDA SERA OF NO?

Investigacion cu DIARIO a haci ta mustra cu dia 6 di November 2017, Paul Croes lo mester bolbe presenta dilanti Hues Comisario. E pregunta cu ta reina ta: “Paul Croes ta keda sera of no?” DIARIO por a compronde cu Hues Comisario, a base di informacionnan cu Ministerio Publico ta duna relaciona cu e investigacionnan cu ta andando, lo bay dicidi si tin motibo(nan) ainda pa prolonga e detencion di Paul Croes of no.

Si Hues Comisario ta haya cu tin motibonan pa prolonga e detencion di Paul Croes, e prolongacion lo bira di 30 dia mas. Si Hues Comisario no ta haya cu tin motibonan pa prolongacion, e lo por duna orden pa pone Paul Croes den libertad.

Mester informa tambe cu Ministerio Publico tin e autoridad di apela contra e decision di Hues Comisario o sea si Hues Comisario bisa cu Paul Croes ta bay liber, Ministerio Publico por apela y Hof ta bay dicidi e ora. A yega di sosode cu Hues Comisario a dicidi cu hende ta wordo laga liber y ni un siman despues, Hof a dicidi cu e persona mester keda sera y Polis ta bay detene e persona bek.

DIARIO tambe a compronde cu Ministerio Publico, tin e autoridad di laga Paul Croes liber, sin cu Paul Croes mester bolbe presenta dilanti Hues Comisario.

Tur esaki ta depende di e cantidad di interogacionnan cu ainda mester tuma lugar. Manera ya DIARIO a menciona, e chens ta existi cu mas detencion lo cay y ta depende di e declaracionnan, kico Ministerio Publico ta dicidi. Te cu awor, tur cos ta mustra cu otro luna ora cu Paul Croes mester presenta dilanti Hues Comisario, lo determina si e ta keda sera of no.

 

- Advertisement -

DUNA COMENTARIO

Please enter your comment!
Please enter your name here