Home Actividad Especial Festival di Cosecha ta diadomingo atrobe

Festival di Cosecha ta diadomingo atrobe

32
0
SHARE
- Advertisement -

ORANJESTAD  (AAN) – Antraco Plaza a organisa un mercado di fruta y berdura cu a cuminsa diadomingo pasa y ta preparando pa su di 2 diadomingo dia 8 di October 2017. Antraco Plaza y AFM Aruba ta organisa su di dos diadomingo pa asina por duna esnan cu a perde siman pasa pa por bin disfruta un biaha mas di esaki.

Diadomingo awor lo tin musica y ambiente. Productonan local y cultiva manera benta di matanan di fruta y otro, cactus, coco, palma, flor, arte riba driftwood y piedra, casnan miniatura. Bolo manera banana bread, bolo di pruim, bolo di wortel, bolo di fruta y bolo di cashupete

. Nos tin presencia di Rene Wild tambe ta participando pa asina por pasa libremente pa informacion di salud y prevencion. Lo tin biña importa pa nos Wine Expert na Aruba Monrik Croes y biña local. Por bin come sopi, salada wraps y asina ta cuminsa cu un variedad toch pa tur edad y gusto.

Antraco Plaza ta invita nos comunidad y turistanan cu ta di bishita na Aruba pa pasa na e parking lot di Antraco diadomingo awor, 8 di October 2017 di 10 or di mainta pa 2 or di atardi y asina lo por bin conoce esnan cu ta cultiva nan fruta y berdura na cas. Tambe lo tin oportunidad di por wak con un chef ta cushina cuminda sano y ta siñabo haci esaki na cas.

Esnan cu ta desea di participa na e evento di Harvest Festival por manda libremente un email na milcromkt@gmail.com of por yama Antraco na 5823434.

- Advertisement -

DUNA COMENTARIO

Please enter your comment!
Please enter your name here