Fondo di pension di APFA a conoce un recuperacion na 2017

    158
    0
    SHARE
    ?
    - Advertisement -

    Segun Jennifer Jacobs, di Departamento di Comunicacion

     

    ORANJESTAD   (AAN): Despues cu APFA (Stichting Algemeen Pensioenfonds Aruba) tabata tin su retonan grandi cun’e pa loke ta su fondo di pension, por mira cu 2017 a conoce algo positivo caminda ta cuminsa recupera, segun sra Jennifer Jacobs kende ta Officer Comunicatie na APFA, ta splica.

    Algun siman pasa, APFA a tene su reunion anual di participantenan y den e reunion aki, nan a duna informacion di e relato financiero di 2016. Tambe nan a duna informacion di e desaroyonan di 2017, te cu Augustus, cual ta e luna cu nan tabata tin e cifranan.

    E conclusion ta cu APFA ta riba bon caminda pa recupera, e ta bayendo hopi positivo. Nan ta ariba e trayectoria di wordo aproba door di Banco Central. E recuperacion ta bayendo hopi bon.

    Durante 2016 nan a haya rendimento ariba inversion basta positivo, cu a yuda ariba e parti di recupera.

    Mas leu Sra. Jacobs a splica cu kizas den futuro lo por percura pa e hendenan haya un spaarpot pa nan por cobra na pension. Pero e mensahe ta cu APFA ta optimista y nan ta bayendo den bon caminda.

    A pesar di tur cos, e reto mas grandi ta e reto financiero. E mercadonan internacional ta keda volatil, y tambe e exigencia cu tin pa inverti 60% di nan capital, den mercado localmente tambe ta keda un desafio basta grandi, ya cu localmente e mercado ta hopi satura, tin hopi likidez y tin poco posibilidad di inversion.

    Pa loke ta inversion, APFA ta sigui haci su best y ta vigila esaki, estrictamente. Pero mester tin posibilidad tambe pa por inverti, y esaki ta conta mas cu tanto localmente.

    Ariba mercado internacional, e volatibilidad t’ey, aunke cu nan ta bisa cu nan ta recuperando ariba un bon caminda, y ta hopi positivo, toch mester keda hopi cauteloso, ya cu no por premira kico lo pasa ariba mercado internacional.

    - Advertisement -

    DUNA COMENTARIO

    Please enter your comment!
    Please enter your name here