Home Naturaleza Gobernador Boekhoudt di bishita hunto cu Junior Rangers pa e proyecto Plantacion...

Gobernador Boekhoudt di bishita hunto cu Junior Rangers pa e proyecto Plantacion di Mangel

18
0
SHARE
- Advertisement -

ORANJESTAD (AAN): Arikok Junior Ranger Camp a start sali e siman aki cu un programa pa mucha cu un enfoke riba e importancia di flora, fauna y geologia di Aruba.

Diaranzon mainta a ricibi bishita di Gobernador, Sr. Boekhoudt, caminda el a compaña e muchanan cu nan proyecto di plantacion di mangel na Spaans Lagoen. E proyecto aki ta encabeza pa Sr. Gian Nunes – Research and Conservation Manager di Parke Arikok hunto cu e lider di Junior Ranger Camp Srta. Sietske van der Wal – Conservation Education Manager, cu hunto cu e guia di e Park Rangernan a planta un total di 36 simia di mangel.

E bishita di Gobernador na Spaans Lagoen ta despues di e bishita di su Mahestad Prinses Beatrix na Maart ultimo specialmente na e ocacion di traspaso oficial di e area di Spaans Lagoen pa Parke Nacional Arikok. E terenonan di Spaans Lagoen bou di encargo di Parke Nacional Arikok ta ricibiendo e proteccion necesario teniendo na cuenta cu Spaans Lagoen tin un biodiversidad hopi halto y ta reconoci internacionalmente como unlugar RAMSAR pa motibo di su amplio flora y fauna cu ta biba den e area.

E programa di Junior Ranger e aña aki ta conta cu diferente presentacion encuanto Tortuga di Lama, Tiburon, Shoco, Geologia, Importancia di Mangel, Raton di Anochi y mucho mas.

Tambe e muchanan a siña con pa traha un flie usando materialnan di naturalesa. Despues di e siman aki e muchanan por bay school back cu un gran conosemento di Aruba su naturalesa y e importancia di esaki.

- Advertisement -

DUNA COMENTARIO

Please enter your comment!
Please enter your name here