Home General Gobierno di berdad kier busca un Nummerplaat reflectivo y duradero

Gobierno di berdad kier busca un Nummerplaat reflectivo y duradero

18
0
SHARE
- Advertisement -

ORANJESTAD(AAN): Den futuro tabata tin intension di busca un plachi mas duradero. Awor aki mes a pasa den mal experiencia pa motibo cu e plachinan nobo cu a yega, mirando e demanda pa plachi di number. Segun directora di departamento di Impuesto, Luenne Gomez-Pieters, desde 2015 no a cambia e plachi numbernan mas.

Tin e batch ultimo cu a worde otorga na clientenan caminda cu tabata tin un fayo cun’e. Esaki a papi’e cu e compania cu ta entrega e plachinan di number y a yega na entendimento caminda cu clientenan cu ta cana of ta haya nan mes confronta cu un plachi cu su color a blikia, por pasa libremente na Departamento di Impuesto y entrega esaki.

Lo mester kit’e for di e auto pa por verifica cu e plachi di number aki ta pertenece na e persona cu ta meld y ta haci di biaha un bestelling pa un plachi di number nobo sin gasto algun.

Naturalmente e ta den nan planning pa nan por bay presenta un plan, caminda cu lo bay over na un plachi di number cu ta duradero. Lo tin cu determina of ta den proceso pa determina e dikte di e plachi, si e verf, ki colo e mester bin. Tambe e diseño, si e verf mester ta reflective, si e ta bay tin un barcode of chip den dje.

Ta cosnan cu por keda añadi, loke ta e plachi ta representa. E tin un funcion cu otro departamentonan di gobierno tambe por haci uzo di dje, manera polis, caminda cu un auto ta accidenta of e por ta envolvi den un joyriding of den un atraco y polis lo por haci uzo di e informacion di e plachi di number y e doño di plachi di number pa asina haci investigacion. Ta cosnan cu tin cu wak. Mester inverti den un plachi cu ta duradero, den software tambe cu ta bin cun’e, caminda cu otro departamentonan tambe lo por ta conecta cu departamento di Impuesto directamente, caminda cu toch bo ta haya e beneficio di e inversion cu bo ta haci riba e tereno aki.

Ora cu haci’e lo kier haci’e bon y tambe ta bezig ta pensando riba e parti di logistica. Si mira bon tin mas cu 74 mil plachi di number den circulacion, pa tur cliente bin den un solo biaha busca nan plachi, ta evita rijnan largo. Ta pensando con pa bay distribui e plachinan aki, una bes cu nan ta cla.

Tambe kier haci un proyecto caminda cu e pueblo di Aruba mes ta envolvi den e diseño, caminda cu e diseño por ta di nos mesun hendenan. No ta full cla ainda cu e pensamento si ta school ta bay participa of ta laga artistanan di Aruba diseña algo pa e nummerplaatnan, pero ta pensa cu e por ta algo hopi great si nos mesun hendenan, nos talentonan cu tin, por worde uza y por worde desplega riba e plachi di number duradero.

Esakinan ta plannan cu ta canando. El a nace di un idea cual a papia riba dje cu Minister Bermudez. A warda un tiki cu ehecucion, mirando tambe cu lo mester a tene cuenta cu ta un aña di eleccion, prome cu presenta e plannan concreto. Manera cu ta premira, pronto lo pone esaki oficialmente riba papel.

Luenne Gomez-Pieters a splica cu semper e intension ta hopi mas facil si belasting cu nos ta paga di vehiculo di motor ta worde opgenomen den accijns. Pero esey a trece algun punto di atencion cun’e cu el a worde para keto un rato, e concepto di ley eynan y tanten cu no tin nada concreto, ta sigui cu loke ley ta bisa awo.

PAGO DI PLACHI:

E plachinan A, cu tur hende tin cu paga, ta worde haci na fin di Januari. E ta bira den dos pago, manera cu ley ta stipula y niet-A platen, manera TX, O, TR, lo mester paga e suma di impuesto den un solo pago. Cerca nan ta bay purba di mantene e terminonan di pago segun ley.

Aña pasa door cu tabata un aña transitorio a duna flexibilidad pa loke ta pago di impuesto, door cu e cambio a sosode den fin di December, caminda cu e cliente no tabata tin suficiente tempo pa prepara pa e por paga su impuesto di vehiculo di motor. A duna e flexibilidad, loke ta mira si cu no ta tur cliente a haci uzo di e opcion aki, caminda cu a wak cu toch nan a cera e cen pa nan por paga nan impuesto di vehiculo di motor.

E aña aki kier keda mantene loke ley ta stipula pa e termino di pago y pa sigui na final, segun e terminonan di ley.

 

- Advertisement -

DUNA COMENTARIO

Please enter your comment!
Please enter your name here