Home Naturaleza Habitantenan den becindario di Sero Cristal mal contento cu destruccion di naturaleza

Habitantenan den becindario di Sero Cristal mal contento cu destruccion di naturaleza

268
0
SHARE
- Advertisement -

A stop cobamento tumando lugar Diaranzon

ORANJESTAD  (AAN): Ayera mainta a surgi un situacion incomodo pa e habitantenan di Sero Cristal. Mainta nan a constata cu tabata tin un ekipo pisa haciendo trabao den e becindario.

Esaki a trece cune molester ya cu parce ningun habitante tabata na altura cu trabaonan di e embergadura ey ta bay tuma lugar den e area.

Mesora, esnan di Fundacion Conserva Area Cristal a wordo poni na altura y averigua kico ta pasando. A bin haya sa cu un persona lo a haya permiso di Gobierno pa bay coba y saca un piedra grandi.

Pa esaki a rosa y a traha un caminda pa yega te na e piedra unda tin un bena. Parce cu den pasado, na e lugar aki a yega di saca oro y cu e hendenan ta kere cu nan por haya oro eynan.

Director di DOW, Marlon Croes tin indicacion a presenta na e sitio y a para e trabao tumando lugar.  Relaciona cu e sucedido, e habitantenan di Sero Cristal a yama un reunion cu caracter urgente ayeratardi na cas di famia Rodriguez-Taekema pa tur habitante di Babijn, Marawiel, Cristal, Koeriboeri y becindario cu ta interesa pa defende y conserva naturaleza.

Ademas di atende cu e rosamento y e trabao cu a wordo realiza diaranzon, e habitantenan tambe kier pa stop cu e bulamento di dinamita cu sa tuma lugar den e area.

- Advertisement -

DUNA COMENTARIO

Please enter your comment!
Please enter your name here