Home Hudicial Homber despues di 10 aña ta cay den adiccion y atrobe ta...

Homber despues di 10 aña ta cay den adiccion y atrobe ta horta

259
0
SHARE
????????????????????????????????????
- Advertisement -

E kier bay Hulanda pa rehabilita

ORANJESTAD (AAN): E homber A.P.(59), a bisa Hues cu despues di 10 aña limpi, el a bolbe cay den droga door di fayecimento di su mama. El a bolbe cuminsa horta pero e kier bay Hulanda pa rehabilita.

HORTA FOR OFICINA DI LOTTO

E acusacionnan cu Fiscal a presenta den Corte contra A.P. ta cu dia 15 Juli 2017, el a horta hunto cu un otro, placa for di un oficina di Lotto. Dia 25 Mei 2017, el a horta hunto cu un otro un airco y placa for di un otro oficina di Lotto.

Hues a puntra A.P. kico a pasa dia 25 Mei 2017. A.P. a bisa Hues, cu el a topa un hende na e oficina di Lotto kende a pidi pa yuda horta airco. El a ofrece 50 florin. A.P. a yuda e ora. Hues a bisa cu e oficina tin camera di seguridad caminda ta mira A.P. a bay den e oficina y a coy placa. A.P. a admiti cu el a coy 500 florin cu tabata den un saco.

Dia 15 Juli 2017, el a yuda un amigo T. pa habri un oficina di Lotto. Segun A.P., el a yuda habri e oficina pero no a mishi cu nada. Hues a remarca cu na e oficina di Lotto tin camera cu a mira A.P. bay den e oficina y coy placa for di un tayo. Segun A.P., T. ta esun cu a bay cu e placa.

VIDEO CON A HORTA

Fiscal a bisa cu A.P. no ta papia tur e berdad. Fiscal a pasa un video di seguridad den e oficina di Lotto, cu ta mustra con di pafor por mira A.P. a forza e porta di hero y despues a kibra un glas di e porta, hinca su man y habri e slot. El a drenta promer y despues T. Por a mira T. ta coy e schalchi di placa y despues A.P. a coy e schalchi. Segun A.P. el a duna T. e schalchi cu placa.

CAY ATROBE DEN DROGA

Hues a puntra A.P. pakico el a haci esaki. Segun A.P. e tabata den droga y a stop pero awor a bolbe cay. Hues a remarca cu A.P. tabatin un carchi castigo largo. Segun A.P. despues di 10 aña, el a cay atrobe. Hues a bisa cu ta tristo cu esaki a sosode. Rumannan di A.P. a presenta den Corte cu cartanan pa mustra cu ta reglando pa A.P. bay Hulanda pa e rehabilita.

Doño di un oficina di Lotto a demanda mas o menos 1900 florin pa e airco cu a wordo horta y e 500 florin cu A.P. a coy.

Rumannan a bisa cu tur A.P. su cosnan ta na KIA caminda ta reglando su pasaporte pa asina e bay Hulanda. Via Victory Outreach e ta bayendo.

EXIGENCIA DI FISCAL

Fiscal ta haya legalmente proba cu A.P. a horta. Na opinion di Fiscal, A.P. pa 10 aña a bay bon pero awor a bolbe cay den adiccion. Esaki ta causa hopi molester. Na un oficina di Lotto el a causa mas daño di loke a haya di placa. Den pasado A.P. tabatin carchi di castigo largo. Fiscal a bisa cu e ta haya positivo cu voluntario A.P. ta bay Hulanda pa rehabilita. Fiscal a bisa Hues cu e no sa si esaki ta real. El a mustra cu A.P. por stop cu e baymento Hulanda di un ora pa otro. Fiscal a exigi 6 luna di prison pa asina e preparacion ta cla pa A.P. bay Hulanda. Fiscal a confirma demanda di daño pa e oficina di Lotto.

ABOGADO

Abogado mr. Carlo a splica cu door cu A.P. su mama a fayece el a cay den droga atrobe. A.P. ta admiti su culpabilidad. El a referi na Hues su decision. A.P. kier bay Hulanda pa rehabilita.

Abogado mr. Yarzagaray a señala pa añas e situacion ta malo na KIA. Tin comision cu a haci recomendacionnan pa cu KIA pero nada a sosode.

SENTENCIA

Hues a sera tratamento di e caso y a dicta sentencia di biaha. E ta haya legalmente proba cu A.P. ta culpable di ladronicia for di dos oficina di Lotto. Pa cu e castigo, Hues a bisa cu e ta tene cuenta cu A.P. a cay atrobe den droga y kier rehabilita. Hues a bisa cu Fiscal a exigi 6 luna kitando e tempo cu A.P. tabata sera.

Na opinion di Hues, pa evita cu A.P. lo por Sali sin cu el a bay Hulanda, e ta condena A.P. na 10 luna di prison di cual 4 luna ta condicional cu un tempo di prueba di 2 aña y bou guia Reclasering. Hues a bisa A.P. cu Reclasering lo por yuda pa A.P. bay Hulanda. Hues a bisa cu doño di e oficina di Lotto lo mester haya 2 mil florin y cu e ta pone e medida di pago. Esey ta nifica cu Ministerio Publico lo percura pa e doño haya e placa.

- Advertisement -

DUNA COMENTARIO

Please enter your comment!
Please enter your name here