ORANJESTAD (AAN)– Tabata den careda di diamars 11’or anochi un homber canando riba e caminda di santo di KIA pa Grapefield direccion nort pa e Rancho, a keda trapa pa un auto na mas cu un ocasion.
E homber tur herida y golpea a core yega su rancho banda di lama pasa di 11:30 anochi y informa e famia. Asina nan a yama polis.
Patruya a presenta y asina mira e homber su situacion y tabata keha di dolor a pidi ambulance cu urgencia.
E homber a declara loke a pase, pero no sa unda asina debi na e scuridad.
Ora ambulance a yega e homber no tabata kier mes asistencia y a bira fastioso, asina ambulance a bandona e sitio. Polis mes a hibe centro medico.
Recherche di San Nicolas y departamento forensico a presenta na e sitio. Pero debi cu e victima no ta corda e sitio indica a pone cu scuridad ta hunga un rol pa mira evidencia. Na centro medico e homber no tabata comporta bon a pone cu polis a compaña personal di ambulance te hospital.
