Home arte y espectaculo Homenahe na e genero musical Salsa na Biblioteca Nacional Aruba

Homenahe na e genero musical Salsa na Biblioteca Nacional Aruba

56
0
SHARE
- Advertisement -
?

ORANJESTAD (AAN): Diahuebs, 12 di October 2017, pa 7.00 di anochi lo presenta un charla y un documentario en coneccion cu e genero musical SALSA na Biblioteca Nacional Aruba.

Biblioteca Nacional Aruba, Departamento di Cultura Aruba, Instituto Pedagogico Arubano y gestor cultural , lingüista y literato Mirto Lacle ta invita pueblo en general pa bin presencia un charla titula “Salsa, di Caribe pa Mundo”.

Tambe lo presenta un documentario cu ta encera informacion y entrevistanan durante apertura di “El Museo de la Salsa’, un museo na Cupey Alto, Puerto Rico.

Lo haci uzo di e oportunidad pa honra algun  conciudadano baluarte relaciona cu entre otro mundo Farandulero Salsero. Lo homenahea Robert Jeandor, salsero nacional y internacional, embahador musical di Aruba. Tambe lo rindi honor na Jose (Joe) Dania di Dakota cu a caba di cumpli 98 aña di bida.

Pues  e anochi aki ta dedica na Homenahe na e genero Musical Salsa.

E charla ‘Salsa, di Caribe pa Mundo’  ta na encargo di Mirto Lacle. E charla aki hunto cu e documentario “El Museo de la Salsa’  a keda presenta na juni durante Congreso di ACURIL-2017 na Condado Hilton na Puerto Rico. Tambe a haci presentacion di dicho charla y documentario na Arubahuis na Den Haag, Hulanda riba 30 di augustus 2017. Pa ambos presentacion tanto na Puerto Rico como Hulanda tabatin un interes grandi y a keda bon ricibi.

E documentario ‘El Museo de la Salsa’ ta trata tocante un museo cu ta un representacion di tur e gran salseronan di mundo. Tambe tin memorabilia di e mundo di salsa. Un museo produci pa Roberto Padilla, un coleccionista pasiona cu e mundo di salsa pa casi mey siglo, asisti pa henter su famia.

E documentario a keda produci pa George Jacobs y Mirto Laclé. Entrada pa presencia e anochi aki ta gratis.

- Advertisement -

DUNA COMENTARIO

Please enter your comment!
Please enter your name here