Home Tempo Horcan Ophelia por afecta Azores y tambe kizas Irlanda

Horcan Ophelia por afecta Azores y tambe kizas Irlanda

124
0
SHARE
- Advertisement -

ORANJESTAD (AAN): Riba Diaranzon, Ophelia a converti su mes den un Horcan.  Diaranzon atardi pa 5:00 pm, su centro tabata na 30.0ºN y tambe 36.1ºW.  Esaki ta como 1.220 kilometer zuidwest di Azores.

Bientonan maximo sosteni ta di 120 km/h, y e Horcan ta moviendo den direccion Pariba cu 6 km/h.

Como cu e ta riba Oceano Atlantico ta moviendo direccion pariba, e no ta formando menaza pa ningun pais den Caribe.  Pesey no tin nada di advertencia tampoco.  Sinembargo e lo por bay afecta Azores, y kizas otro siman hasta Irlanda na Reino Uni.

Aunke Ophelia ta un Horcan inusual, e pronostico ta papia cla.  E ta moviendo direccion di Europa.  E lo bay topa cu lama mas frieu, cu por pone perde intensidad.  Sinembargo e chens ta grandi cu e lo por yega Irlanda pa Dialuna.

Pa Diasabra, e lo ta pasando como 100 kilometer zuid di Santa Maria, cu ta e isla mas pazuid di Azores.

Algun computer ta calcula cu Ophelia lo no bay dal Portugal ni Spaña, pero lo bay bira mas den direccion nort, y National Hurricane Center ta calcula cu e lo por bay rumbo pa Irlanda.  Aunke pa e ora ey e lo por ta djis un ex-Tormenta Tropical.  Tog Ophelia por ta un tormenta hopi fuerte.

Awemadruga el a cuminza move tiki nooroost.

E horcan aki ta forma ningun peligro pa Aruba.

PRONOSTICO PA ARUBA:  Pronostico pa awe Diahuebs na Aruba ta mustra cu temperatura maximo lo ta 32º C y minimo ta 27º C.

Tempo lo ta parcialmente nubla cu localmente un awacero.

Biento ta debil te modera for di direccion entre Pariba y Noordoost, di 12 te 30 km/h.  Den dia e biento lo ta basta fuerte den rafaga entre 31 y 39 km/h.

Olanan di lama lo ta for di direccion Pariba, y cu haltura di 3 te cu 4 pia.

Pa awe, humedad y instabilidad den atmosfera regional lo combina cu un disturbio riba nivelnan mas halto di atmosfera, pa produci temporalmente mas nubia.  Pa e motibo aki, por spera algo di awacero cu posibilidad di lamper cu strena.

- Advertisement -

DUNA COMENTARIO

Please enter your comment!
Please enter your name here