Home Salud Inspectie Volksgezondheid ta atende publico direct tambe ora cosnan bay fout

Inspectie Volksgezondheid ta atende publico direct tambe ora cosnan bay fout

15
0
SHARE
- Advertisement -

ORANJESTAD(AAN): Ta importante pa pueblo sa kico tur Inspectie Volksgezondheid Aruba (IVA) ta haci. Tin biaha tin cierto kehonan riba salubridad publico toch y tin biaha hende kier haya un oido di nan problemanan. Dorylee Lopez-Penha, kende ta inspector general di Inspectie Volksgezondheid Aruba, ta splica cu nan tarea primordial ta cu tin di haber cu totalidad di cuido cu e ta worde brinda na Aruba. Cu esey kiermen cu nan ta bay traha normanan caminda cu despues lo bay controla riba dje.

Esey ta parti primordial di loke ta trata inspectie. Cu e normanan kiermen tambe afspraaknan cu ta acorda cu otro, por ehempel esaki ta calidad di cuido, y asina ta bay traha cierto proceduranan, pa asina por controla a base di afspraaknan cu haci. E di dos parti di inspectie ta caminda cu e personanan por yega cerca nan y por guianan den cierto paso cu nan kier tuma si nan ta sinti cu e calidad di cuido cu nan a haya no ta esun adecua.

Desde cu Inspectie a habri, por calcula cu dos pa tres biaha pa siman tin personanan ta bin cerca nan. Ta sinta cu nan, ta scucha nan. Nan tambe ta bay analisa si berdad tin un caso caminda cu algo por a bay fout y tin biaha ta over di mal comunicacion entre e pashent y e dokter. Ta purba di intermedia entre e pashent y e dokter pa nan por haya e informacion corecto.

Kehonan mas general

Ta hopi dificil pa bisa caba kico ta e kehonan general, mirando cu nan tin un termino hopi cortico ta atendiendo cu e publico. No por bisa cu uno ta mas cu e otro. Esey na final di aña ora cu tin un paar di luna ta trahando, por duna un miho idea di ki direccion e kehonan lo ta, segun Lopez-Penha.

Forsa

E forsa primordial cu inspectie tin, ta cu nan no ta bay actua a base di actonan individual. Na ki direccion e kehonan ta bin, esey ta loke nan ta analisa. Na final di aña ta evalua cu por ehempel tin 8 keho cu a drenta di algo, e ora ta bay dirigi locual cu ta yama e instrumentonan cu ley ta duna nan, pa bay acerca e instancia of e dokter, pa wak unda por trece mehoracion. IVA no ta bay actua a base di cada un keho. Locual cu nan ta haci ta cu nan ta bay acumula, analisa y asina ta bay dirigi nan supervision riba e diferente aspectonan di cuido na Aruba.

Drecha situacion

Hopi biaha e ta hopi dificil, pero no por kita locual cu a pasa cubo caba. Locual e meta ta pa e no pasa un biaha mas. Pa e siguiente pashent no haya su mes den e mesun situacion. Cubo ya e ta un cos cu a pasa, ta purba di yudabo den informacion. Por ta bo kier bay na Officier van Justitie, por ta un Medisch Tuchtcollege, cual nan tin cierto medidanan cu nan por tuma. Pero e inspectie kier preveni pa un siguiente pashent cu ta den e mesun circunstancia cubo, pasa den e mesun cos.

Feedback

Segun Lopez-Penha, nan ta purba di dentro di 1 siman ta bay analis’e hunto cu e trahadonan, y ta guia nan, dependiendo di loke e pashent mes kier. Si e kier bay medisch tuchtcollege y pa e hues impone cierto medidanan, IVA ta duna informacion unda tin cu bay, ki tur tin cu haci, pa e por sa e siguiente pasonan. Tambe si un pashent kier ricibi placa for di e dokter, pasobra e dokter a causa cu el a perde un vakantie, etc. E ora eynan ta bisa cu e tin cu bay busca un abogado caminda cu tin cu bay lanta un caso civil. E ta difirente caminda cu un pashent por cana pa wak unda e por haya su derecho.

- Advertisement -

DUNA COMENTARIO

Please enter your comment!
Please enter your name here