Home Enseñanza IPA ta bay habri e opleiding di “Papiamento Bachelor”

IPA ta bay habri e opleiding di “Papiamento Bachelor”

62
0
SHARE
- Advertisement -

ORANJESTAD(AAN): Tin diferente opleiding na IPA. Tin actualmente pa docente di primaire onderwijs. Esey ta lesnan di kleuter te cu zesde klas basis. E ta parti si. Despues di e prome fase, bo ta bay scoge bo specialisacion, sea cu bo ta bay specialisa bo mes den e grupo di Kleuter, 1ste, 2de klas, of bo ta bay specialisa di 1ste te cu 6de klas.

Eynan ta bay bin un separacion cu ora bo haya les, bo ta haya les specificamente cu e grupo cu bo a scoge. Esey ta un opleiding cu tin. Otro opleiding cu tin andando awor aki ta e opleiding di movecion y salud. Esey ta pa docente di e parti di gym, pero tambe e parti di salubridad. Educacion saludabel, cu ta pa bira maestro di school basico. Banda di esey tin awor aki pa e opendag tambe, informacion riba esaki.

DIARIO a haya sa cu ta bay habri opleiding di “Papiamento Bachelor”.

Esey ta bay bira e opleiding pa docentenan den MAVO, HAVO y VWO. Pero te cu onderbouw di esaki. Tambe ta bolbe bay cuminsa cu Hulandes bachelor. Ta mesun cos cu papiamento, pero e ora bay duna Hulandes den school secundario.

Banda di esey ta bay cuminsa cu un opleiding di profesionalisacion. Esey ta pa e maestronan cu ta den school caba. E por ta den kleuter, basis, por ta MAVO, por ta HAVO cu ta sinti nan cu nan ta traha cu cierto muchanan special cu tin na school cu por ta nan ta sinti cu nan no tin tur ora e conocemento completo pa por deal cu tipo di situacionnan special cu tin den nan school. Ta bay cuminsa cu e opleiding di special Educational Needs, cu ta bay cuminsa na Februari. Esey tambe lo bay tin mas informacion riba dje.

Tur esakinan ta opleidingnan cu ta worde duna separa di otro. Tin di nan ta worde duna parti atardi, pa anochi. Por ehempel esun di educational needs, mirando cu ta pa maestronan di school cu ta trahando actualmente, lo mester sosode parti atardi. Pero e otro opleidingnan cu ta pa estudionan inicial, ta parti den dia. Eseynan ta loke cu IPA tin actualmente.

Tambe loke nan tin ta PDG, esey ta opleiding pa bo haal bo Pedagogisch Didactisch Getuigschrift. Si bo ta un persona cu a studia un materia, pero bo no a studia pa ta docente di e materia, bo por haal bo papel na IPA den dos aña pa bo bira maestro den loke a studia caba. Esey a cuminsa na September.

Asina tin diferente opleiding y naturalmente tin den pipeline tambe, trahando riba docente Spaans, Engels. Pero eseynan ta den pipeline pa cuminsa e siguiente aña.

 

- Advertisement -

DUNA COMENTARIO

Please enter your comment!
Please enter your name here