Home Noticia Internacional Islanan cu no tin nan finanzas na ordo y na tempo lo...

Islanan cu no tin nan finanzas na ordo y na tempo lo no haya placa extra di Den Haag

194
0
SHARE
- Advertisement -
Hulanda cu responsabilidad particular pa islanan BES

ORANJESTAD (AAN) —Den e acuerdo di gobernacion di e coalicion nobo hulandes, ta menciona cu pa e habitantenan di Bonaire, Saba y St. Eustatius, Hulanda tin un responsabilidad  particular.

E partnernan nobo di coalicion a piminti di combati pobreza y cu e ministerionan di Asuntonan di Interior y di Relacionnan cu Reino (BZK) lo haya un rol mas grandi den e comunidadnan hulandes.

Combatimento di pobeza y mehoracion di infrastructure ta un “prioridad” di e gabinete nobo, ta para den e acuerdo di gobernacion.  E perspectiva economico pa e habitantenan mester wordo mehora.

E ministerio di BKZ “ ta haya un tarea mas fuerte di coordinacion “ cu su propio presupuesto pa e tres comunidadnan  particular (Saba , St. Eustatius y Bonaire)

Papelnan no ta na ordo, e ora ey no tin inversionnan extra for di Den Haag pa e comunidadnan caribense. “Gabinete ta dispuesto di haci inversion extra riba e islanan bao di condicion cu ta garantisa bon gobernacion y responsabilidad financiero riba nivel adecuado”.

Den practica esaki lo por nifica cu e islanan cu no tin nan finanzas na ordo y na tempo, lo no haya placa extra for di Den Haag.

Encuanto e proceso di vota  riba e islanan, e acuerdo di gobernacion ta menciona cu “e proceso di vota lo wordo adapta” di manera cu hulandesnan riba e islanan particular Bonaire, Sint Eusatius y Saba’ lo por vota mas simple. Tambe pa e eleccion di Eerste Kamer.

Loke esaki por nifica den practica  mester wordo proba ainda si e gabinete bini cu proposicionnan di ley.

E coalicion nobo kier pa Hulanda tin un cooperacion mas cera cu Aruba , Corsou y St. Maarten, pero na un manera “constructivo”.

Esaki ademas den region di Caribe cu Union Europeo y cu organizacionnan internacional.

Segun e partidonan di e coalicion nobo, esaki ta haci desaroyonan positivo mas aleu di e relacionnan di reino, possible.

Tovcante e plannan nobo di coalicion pa e partinancaribense probablemente na november lo tuma lugar un debate den Tweede Kamer, ora cu e gabinete Rutte III ta instala.

- Advertisement -

DUNA COMENTARIO

Please enter your comment!
Please enter your name here