Home Deporte Jaydon Croes, Flory Kock y Davy Bisslik ganadornan absoluto di 1-2-5 km

Jaydon Croes, Flory Kock y Davy Bisslik ganadornan absoluto di 1-2-5 km

32
0
SHARE
- Advertisement -

Resultado Aruba Dolphins Open Water Swim Meet

ORANJESTAD (AAN): Recientemente a tuma luga e campeonato di natacion annual cu a hiba e nomber di Aruba Dolphins 1-2-5 KM Open Water Swim Meet cu atrobe a resulta super exitoso.

Pa e competencia di 1 km a participa 37 landador pa mira kende ta miho den e categorianan 8 aña y menos, 9-10 aña, 11-12 aña y 13 aña y mas.

Pa e careda di 2 km tabata tin 64 landador den e categorianan 13-14, 15-17, 18-24, 25-34, 35-44, 45-54, 55 aña y mas.

Pa e careda di 5 km tabata tin 9 landador den e categorianan 13-14, 15-17, 18-24, 25-34, 35-44, 45-54, 55 aña y mas.

E landadornan tabata respresentantenan di e clubnan local Sports 4 U, Stingray Swimming, The Orcas Swimming Team y Aruba Dolphins Swimming Team. Tambe tabata tin 1 landador di Sithoc di Curacao.

Tambe tabata tin interes y participacion grandi di landadornan no afilia na AZB.

Campeonatonan di natacion ‘Open Water’ ta hopi diferente cu landamento den pisina.

E condicion di e clima ta hunga un papel determinante.

Biento, haltura di e olanan, temperatura di awa y biento, visibilidad y coriente ta algun factor importante pa e landador tene cuenta cune.

E aña aki varios di e factornan no tabata na fabor di e landadornan.

Esnan cu tabata miho prepara a lucha basta pa logra un di prome puestonan.

Riba e grafico por mira mas di e resultado.

Directiva di Aruba Dolphins Swimming y e comite organizador kier a felicita tur  e ganadornan y tambe kier a gradici un y tur cu a yuda organiza e evento aki.

Un danki especial ta bay na Tropical Bottling Co y e cuerpo di oficial cu a haci un excelente trabao.

- Advertisement -

DUNA COMENTARIO

Please enter your comment!
Please enter your name here