Home General Keto bay tin hende ta criando bestia y pesey ta bezig dunando...

Keto bay tin hende ta criando bestia y pesey ta bezig dunando nan guia

30
0
SHARE
- Advertisement -

Servicio Veterinario cu presentacion durante tayer di IDEA

ORANJESTAD  (AAN): Rodney Bareño ta hoofd keurmeester di Servicio Veterinario. E ta conta di su presencia durante un tayer, cu a wordo organisa pa Departamento di Asuntonan Economico. El a conta cu locual a ripara, cu Idea ta promoviendo diferente aspecto di comerciante of entrepreneurnan, esta hendenan cu kier cuminsa cu un negoshi.

Ta bezig ta coachnan den diferente area. Un di e partinan di e tayer tabata agricultor. Con por interpreta agricultor y si por uze como un backbone pa bay haci un negoshi. Servicio Veterinario a wordo acerca pa duna nan input si hendenan cu ta cria bestia, kico pa tene cuenta cun’e.

Interes di criamento di bestia

Bareño a splica, cu criamento di bestia, compara cu añanan anterior, a baha un poco. Aruba ta un isla hopi seco, pero asina mes tin hende ta criando. E tikinan cu ta cria, mester purba di sigui coachnan pa nan keda cu nan produccion.

Hobby of pa negoshi

E idea di Idea, ta pa hendenan por bira un tiki mas comercialisa. Bareño a comenta cu demanda pa carni local ta halto. 99.5% di nos carninan ta wordo importa, pasobra nos tin un poblacion chikito, pero ta consumi hopi carni. Locual cu ta wordo cria na Aruba, no ta yega pa full Aruba. Si abo como agricultor, por haya bo spot den e 0.05% eynan, pasobra e demanda tey. Ta abo mester cri’e pa e por ta rendabel. E ta un reto, pasobra pa cria un bestia, no ta barata. E tin su riesgonan. Bestia por bira malo y bo tin bo gastonan. E ta keda un reto y tin cu purba di coach nan mas miho posibel.

Cuminda

Si bo ta cria porco por ehempel, na Aruba te ainda restaurantnan ta coopera cu criadornan. Nan ta busca cuminda di restaurant. Por tin un bentaha. Pero si bo tin cabrito, pero si bo no tin tereno pa e por cana rond, bo tin cu cumpra hooi, of bo tin cu bay chapi. Depende ki tipo di bestia bo ta criando. E por tin su bentaha y desbentahanan. Tur bestia ta keda un reto. E ta rekeri no solamente cri’e pa bo mat’e, pero e ta rekeri tambe toch atencion. E ta keda un bestia cu bo tin cu dun’e su debido cuido, y si bo kier mat’e toch, e mester ta saludabel. E tin su retonan.

Area di cria

Locual cu tin di compronde, hopi di e criadonan di bestia ta kehando cu e terenonan ta birando schaars. Antes no tabata tin bisiña y cabritonan ta cana rond pafo. Tiki tiki e bisiñanan ta keda bin. E area cu ta cria bestia tambe ta birando tiki. Porco, etc., si bo no cri’e na un manera hopi limpi, por haya molester di musca etc. E holo tambe por bin cu problema pa bisiña. Con cu bay bin, mester tin teren pa cria un bestia. No por cri’e gewoon patras di bo cas na gran escala.

Presentacion

Bareño a comenta cu nan a pone e factsnan con e ta awor aki ta na Aruba. Cuanto bestia ta wordo mata pa aña. Mas of menos 1400 porco ta wordo mata pa aña, mescos cu cabrito. E cantidad a drop pa simpel motibo di tereno. Porco a bira un trend, caminda cu tin basta hende ta cria porco. Pero nan ta asumi cu nan ta criadornan aki aya. No ta crianan grandi grandi. Un porco por cri’e mas barata cu un cabrito. Si haci un bon afspraak cu restaurantnan, por haya cuminda, por saca for di e porco tambe.

Pa ta realistico, e trend di cabrito y carne, a baha hopi compara cu e ultimo 10 añanan y porco a subi. Antes porco tabata 700 porco pa aña y awo ta net dobel. Porco a subi, cabrito a baha. Den bista di Bareño, nan ta mas facil pa cria. Un porco bo no mester tin un cura grandi pa e cana rond. Bo por tin un cura chikito, tanten cu dune cuminda y awa limpi, bo cri’e e ta crece. Pero un cabrito mester di su espacio pa cana. Cabrito tambe ta exigi bon cuminda. Si no ti yerba afo, mester cumpre.

Temporada druk

E temporada di November ta bira hopi druk, como tambe December. Despues Januari bek ta bira keto. Si wak e cifranan di aña ta mira cu porco full aña ta basta stabil. Cabrito comienso di aña ta hopi keto, pero fin di aña nan ta bira hopi. Porco si e peticion pe ta basta stabil.

Control riba carni

Pa loke ta carni di afo, 99.5% di carni cu ta wordo importa, tur tin di pasa via Veterinaire Dienst. Tin un bista riba esey completo.

 

- Advertisement -

DUNA COMENTARIO

Please enter your comment!
Please enter your name here